وزیراعظم استعفی دین، جے آئی ٹی سنہری موقعہ، پی پی پی زرداری لیگ ، سی پیک تے تنقیداں۔ناہید خان

لاہور (مانیٹرنگ رپورٹ)مرحومہ بی بی شہید دی سیکٹری، اپنے دور دی ناخدا تے زرداری ہوراں بعدوں اپنی ورکرز پی پی پی بناون والی ناہید خان اینج جاپدا ہے نواز شریف توں وی مایوس ہو چکی نیں۔ انہاں اج صفدر عباسی نال رل کے کوٹ ولید وچ میڈیا ٹاک کیتی۔ انہاں آکھیا پانامہ دے فیصلے بعدوں ہن میاں ہوراں دا وزیراعظم رہنا مشکل ہو گیا ہے۔ہن حکمران پارٹی اپنا اک ہور امیدوار اگے کرے۔جے آئی ٹی اک گولڈن چانس ہے کہ قومی ادارے ایس پاروں اپنا وقار بحال کر سکدے نیں۔ناہید خان نوں قومی اداریاں دے وقار دا ایڈا خیال ہمش توں سی یاایہہ کوئی اشارہ ہے ایس بارے خبر وچ کجھ رلتی نہیں۔اپنی ایس پریس کانفرنس وچ انہاں افغانستان تے ات گرد حملے دی مخالفتاں وی کیتیاں اتے سی پیک تے بھرنویں تنقیداں وی کیتیاں۔انہاں آکھیا پئی جینی ماہراں نوں ویزے دین دے مسئلہ نوں پبلک کیتا جائے۔انہاں اک پاسے پی پی پی نوں زرداری لیگ آکھیا تے دوجے پاسے ایہہ وی آکھیا پئی میرے زرداری نال ذاتی مسئلے نہیں نیں اتے جے بلاول سیاست کرنا چاہندا ہے تے اوہ اپنی وکھری سیاسی شناخت بنائے۔