اورنج لین ٹرین: چینی سرمایہ کاری تے مغربی ایجنڈے: گھما تریخی بلڈنگاں دا؟

لاہور(مانیٹرنگ رپورٹ)اپریل وچ فیصلہ محفوظ کیوں کیتا سی اتے اج فیصلہ سناون دی ٹائمنگ بارے گلاں وادھو۔اک دنیا ذلیل ہو رہی ہے پئی جے اپریل وچ فیصلہ کر لتا سی تے اٹھ مہینے کیوں لائے۔ ایہہ سوال چکے جان گے۔ عمران خان تے جہانگیر ترین بارے فیصلے وی سپریم کورٹ وچ ہی محفوظ نیں۔ فیصلہ کجھ وی آئے، پر ایہہ گل ہوندی رہے گی پئی ایس مقدمے نوں ایڈا لمکنا نہیں چاہیدا سی۔تریخی بلڈنگاں دی فکر انہاں نوں ہے جنہاں اندرون لہور دے ورثے بارے اک وکھالا وی نہیں کیتا۔کدی انہاں نوں گلبرگ دے درختاں دی فکر تڑپاندی ہے تے کدی اورنج ٹرین کہ کیپیٹل ٹاک وچ اورنج ٹرین خلاف مہماں چلاون والی اک بی بی تے ایہہ وی آکھ دتا سی پئی پنجاب سرکار نے چینیاں نوں خش کرن لئی ایشین ڈویلپمنٹ بینک (اے ڈی بی) دے ٹرین بناون والے منصوبے دے کاغذ چینیاں نوں دے چھڈے سن۔کیہہ ایہہ لڑائی چینی تے مغربی سرمایہ کاریاں دی ہے اتے ایس وچ کجھ این جی او مہم جو کیوں رلتی نیں ایس بارے کجھ نہ سوچو۔نواز مخالفاں تے ایس وچ کدنا ہی سی۔جے کوئی کم کرے اوس نوں وی دھر لو اتے جیہڑا نہ کرے اوس نوں طلب کرو۔ویسے اج کل چینیاں خلاف خبراں لوایاں جا رہیاں نیں۔اج فیصلہ سنایا جا سی۔