پرانی حلقہ بندیاں تے چوناں؟ چکر تے چکر اتے ٹیکنوکریٹ سرکار؟

لاہور(مانیٹرنگ رپورٹ)اینج جاپدا ہے پئی ساریاں جماعتاں وچ چوناں لڑن والے وڈے کھڈاری اپنے اپنے پرانے حلقیاں وچ ہی چوناں لڑن تے تیار نیں کہ بڑی ہشیاریاں نال ہر کوئی ایس دا اقرار کرن توں بچ وی رہیا ہے۔عمران کان ہوراں ایہہ اقرار ویلے توں پہلاں چوناں کروان دی ڈیمانڈ پاروں کیتا ہے۔ جے چوناں پہلے ہون تاں پرانی مانو گنتری پاروں ہی چوناں ہون گیاں جس تے پی ٹی آئی نوں کوئی مسئلہ نہیں۔پی پی پی نوں اک دم سی سی آئی چیتے آ گئی اتے نألیگ وی ایس لئی تیار۔فیصلہ تے کل ہو جا سی کہ سب ٹیکنوکریٹ سرکار دی چاپ سن رہے نیں۔عمران خان دی ڈیمانڈ دے برخلاف پردھان قریشی ہوراں ایہہ آکھیا ہے پئی اساں ویلے سر چوناں چاہندے ہاں۔اینج ٹیکنوکریٹ سراکار دے آون داڈر وی گھٹ سکدا ہے اتے چوناں دی ودھیا تیاریاں وی۔پر جے کوئی فیصلہ نہ ہویا تاں ڈر ودھ جا سی۔دوجے پاسے ڈر ایہہ وہ کہ کتھے پرانی مانوں گنتری پاروں کیتی آئینی ترمیم نوں عدالت موڑ نہ دے اتے ایس دا ملبہ پارلیمنٹ تے پا کے ٹیکنوکریٹاں دی سرکار دا آبشن سامنے آن کھلوئے۔