ریلی دا پہلا راونڈ، ٹریلر:وزیراعظم ذلیل کرو پراجیکٹ آپ گھجل

لاہور (مانیٹرنگ رپورٹ) ہن کوئی ڈھیٹ ہوئے تے ہور گل ہے، جے کسے دا کاں چٹا ہے تے گل وکھری ہے، پر لوکاں آکھ دتا ہے پئی وزیراعظماں نوں ذلیل کرن نال عوام انہاں نوں ہور پسند کردے رہن گے۔کل تیک نواز شریف نرا پنجاب دا لیڈر سی اتے اج اوہ پختوناں، بلوچاں، سندھیاں تے مہاجراں وچ وی پاپولر ہو رہیا ہے۔گلگت، چترال تے کشمیر دے لوک وی اوس دے نال نیں اتے ہندکو ہزارے وال پنجابی وی۔اج نواز مخالف اینکراں دے بوتھے اترے ہوئے سن اتے میاں دی تقریر سندے ہی سوں گئے۔ٹریلر وکھا دتا گیا اتے جی ٹی روڈ تے پرومو چلن گے اتے فلم لہور وچ سب ویکھن گے جنج انہاں دس اپریل1986وچ ویکھیا سی۔سٹیبلشمنٹ دا ہک دھڑا ہٹ دھرمیاں پاروں ملک لئی جان دا وبال بنیا ہویا ہے۔سعودی ہرکارے قومی اتحاد ویلے وی پھردے سن اتے اج وی پر اوہ بھل رہے نیں پئی ایہہ 1977نہیں۔ بے نظیر ضیاالحق خلاف مورچہ لایا سی اتے اج نواز شریف ضیاالحقیاں خلاف کھلون دا اعلان کر دتا۔پارلیمان تے پردھانی اتے وزیراعظماں دا احترام ہی اوہ لڑائی ہے جیہڑی پنج جوالائی توں شروع ہوئی سی۔ باقی کل