جیل تے موت توں ڈردا نہیں۔ انقلابی تبدیلیاں مقدر ،کوئی ڈک نہیں سکدا۔صدر نواز شریف

لاہور(مانیٹرنگ رپورٹ)ووٹ دے تقدساں دی بحالیاں لئی عوام تیار نیں۔شعبدہ بازاں خیبر پختونخوا لئی کیہہ کیتا؟ اوہ آکھدے سن پئی نوے دناں وچ کرپشن مکاواں گے پر کجھ نہ کر سکے۔اج ساڈی پالیسیاں پاروں ملک وچ لوڈ شیڈنگ مک رہی ہے۔اقامہ ورگے فیصلیاں عدالتی وقار نوں گھٹایا۔ ایسے فیصلے نرے پاکستان وچ ہی آ سکدے نیں۔اج فیر عوامی ریفرنڈم میرے حق وچ آیا۔اساں ووٹ دے تقدساں نوں مڑ چالو کراں گے۔مینوں تے میرے خاندان نوں ٹارگٹ کیتا جارہیا ہے۔ ایہہ گلاں صدر مسلم لیگ(ن) میاں نواز شریف ایبٹ آباد وچ اک وڈے جلسے نال گل بات کردے ہوئے آکھیاں۔انہاں آکھیا پئی محمود خان اچک ذئی پکے تے سچے پاکستانی نیں اتے عوام اچک ذئی ہوراں دی گلاں چیتے رکھن۔کلسے نال گل بات کردے اچک ذئی ہوراں آکھیا سی پئی اساں لڑنا نہیں چاہندے پر جیہڑا آئین نوں نہیں منیندا، اساں اوس نوں نہیں مینیدے۔ہن کسے نوں آئین نال کھلواڑ نہیں کرن دیاں گے۔نواز شریف آکھیا پئی رہزناں ، ڈکٹیٹراں نوں تے عدالتاں کدی کجھ پچھیا ہی نہیں سگوں انہاں کولوں حلف لیندے رہے۔مشرف نوں کسے پچھیا؟