ترکی کے صدر کا عمران خان کو ٹیلی فون ،عام انتخابات میں کامیابی پر مبارکباد
انقرہ (مانیٹرنگ ڈیسک)ترکی کے صدر رجب طیب اردوان نے چیئرمین تحریک انصاف عمران خان کو ٹیلی فون کیا اور عام انتخابات میں کامیابی پر مبارکباد پیش کی۔ترک صدر نے چیئرمین تحریک انصاف عمران خان اور آئندہ حکومت کے لیے نیک تمناوں کا اظہار کیا۔دونوں رہنماوں کے درمیان ہونے والی گفتگو میں پاکستان اور ترکی کے درمیان تعلقات کے نئے دور کے آغاز پر اتفاق کیا گیا۔ٹیلی فونک گفتگو کے دوران دونوں رہنماوں نے بھرپور گرم جوشی کا مظاہرہ کیا اور عمران خان نے مبارکباد دینے پر ترک صدر کا شکریہ ادا کیا۔
