ذکر کچھ صحراؤں کا

عام طور پر صحرا کا نام سنتے ہی کسی ایسے علاقے کا خیال ذہن میں آتا ہے جہاں ہر طرف ریت ہی ریت ہو اور پانی کا نام و نشان تک نہ ہو لیکن دنیا میں کچھ ایسے صحرا بھی موجود ہیں جو کہ عام صحراؤں سے بالکل مختلف ہیں- جنہیں دیکھنے کے لیے سیاحوں کی ایک بڑی تعداد جاتی ہے- اور اس کی بنیادی وجہ ان صحراؤں کے دلچسپ اور خوبصورت نظارے ہیں- ایسے ہی چند صحراؤں کا ذکر ہے ۔ جیسے صحرائے اعظم۔ صحرائے ایٹاکاما۔ موت کی وادی اور صحرائے گوبی۔یہاں ان کا اور دوسرے صحراؤں کا مختصر تذکرہ ہوگا۔ رنگ برنگا صحرا یہ منفرد صحرا امریکہ میں واقع ہے اور اسے پینٹیڈ ڈیسرٹ کے نام سے جانا جاتا ہے- اس انوکھے نام کی وجہ تصویر دیکھ کر ہی سمجھ آجاتی ہے کیونکہ ایسا محسوس ہے جیسے اس صحرا کو کوئی کسی نے پینٹ کیا ہو- تھر تھر کا صحرا پاکستان اور بھارت کو علیحدہ کرتا ہے اور اسے تھر کے نام سے جانا جاتا ہے- یہ صحرا 1 لاکھ 20 ہزار کلومیٹر کے وسیع رقبے پر پھیلا ہوا ہے- صحرائے تھر پاکستان کا ایک مقبول صحرا ہے جو صوبہ سندھ میں واقع ہے- وادی رم اردن میں واقع اس صحرا کو وادی رم کے نام سے جانا جاتا ہے اور یہ سیاحت کے حوالے سے ایک مقبول ترین مقام ہے- اس صحرا میں عجیب و غریب چٹانوں اور حیرت انگیز جنگلی جانوروں کےدلچسپ  نظاروں کا موقع ملتا ہے- لینکووئیس مارینہنسیس یہ خوبصورت صحرا برازیل میں واقع ہے اور اسے لینکووئیس مارینہنسیس کے نام سے جانا جاتا ہے- برسات کے موسم میں یہ صحرا چھوٹی چھوٹی جھیلوں سے بھر جاتا ہے اور یہ ایک انتہائی دلکش نظارہ ہوتا ہے- گنگناتا صحرائے منگول منگولیا میں واقع اس صحرا کا ویسے تو نام کینگوریئین ایلس ہے لیکن بعض اوقات اسے “ سینگنگ ڈیسرٹ “ بھی کہا جاتا ہے- اس منفرد نام کی وجہ یہاں چلنے والے ہواؤں سے پیدا ہونے والا انوکھا شور ہے جیسے کسی سُر کی مانند لگتا ہے- ایٹاکاما اٹاکاما نامی اس صحرا کی سرحدیں چار ممالک میں پھیلی ہوئی ہیں جن میں پیرو٬ بولیویا٬ ارجنٹینا اور چلی شامل ہیں- یہ صحرا تقریباً 100 کلومیٹر کے طویل رقبے پر پھیلا ہوا ہے- اور اسے دنیا کا خشک ترین غیر قطبی صحرا قرار دیا جاتا ہے- چوٹیوں والا صحرا آسٹریلیا میں واقع اس صحرا کا نظارہ بھی انتہائی دلچسپ ہوتا ہے جس کی وجہ صحرا میں موجود عجیب و غریب چٹانیں ہیں- اس صحرا کو دی پینکلیس ڈیسرٹ کے نام سے جانا جاتا ہے- تکلامکن یہ وسیع رقبے پر پھیلا صحرا چین میں واقع ہے اور اسے ٹاکلاماکین کے نام سے جانا جاتا ہے- عام طور پر صحرا کا نام سنتے ہی کسی ایسے مقام کا خیال ذہن میں آتا ہے جہاں گرم ترین ہوائیں چل رہی ہوں اور ہر طرف ریت ہی ریت ہو- لیکن حال ہی میں اس صحرا میں لگاتار 11 دن تک برف باری ہوتی رہی ہے- صحرائے گوبی اس صحرا کی سرحدیں دو ممالک میں لگتی ہیں جن میں چین اور منگولیا شامل ہیں- گوبی ڈیسرٹ نامی یہ صحرا منگولیوں کی اموات کی داستانوں کے حوالے سے بھی مشہور ہے کیونکہ مقامی افراد کا کہنا ہے کہ یہ صحرا لوگوں کو اپنا شکار بناتا ہے- صحرائے سونوران بیک وقت میکسیکو اور امریکہ میں واقع اس صحرا بھی انتہائی حیرت انگیز نظارے دیکھنے کو ملتے ہیں -اس صحرا کی مقبول ترین شے سوگورو کٹس نامی پودا ہے- اس صحرا کو سنورن   ڈیسرٹ کے نام سے جانا جاتا ہے- موت کی وادی امریکہ میں واقع موجاوی نامی یہ صحرا موت کی وادی کے نام سے مقبول ترین مقام کا گھر ہے- یہ شمالی امریکہ کا سب سے نچلا مقام ہے- صحرائے نمب نمبیا میں واقع اس صحرا کو نمب صحرا کے نام سے جانا جاتا ہے- یہاں موجود چٹانوں کو رنگ انتہائی منفرد ہوتا ہے اور انہیں دیکھ کر ایسا محسوس ہوتا ہے جیسے کسی نے پینٹنگ تخلیق کی ہو- یہ دنیا کے قدیم ترین صحراؤں میں سے ایک ہے- سفید صحرا مصر میں واقع اس صحرا کو سفید صحرا کے نام سے جانا جاتا ہے- یہ صحرا اپنے سفید رنگ کے چھوٹے چھوٹے ٹیلوں کی وجہ سے دنیا بھر میں مقبول ہے- رب الخالی رب الخالی نامی صحرا کی سرحدیں چار ممالک سے ملتی ہیں جن میں سعودی عرب٬ عمان٬ یمن اور متحدہ عرب امارات شامل ہیں- جزیرہ نما عرب کا وسیع رقبے پر پھیلا یہ صحرا خالی کوارٹر کے طور پر بھی جانا جاتا ہے- کالے پتھروں کا صحرا امریکہ میں واقع اس صحرا کو بلیک روک ڈیسرٹ کے نام سے جانا جاتا ہے- اس صحرا کا ایک بہت بڑا حصہ انتہائی خشک ہے ۔