سانحہ ساہیوال کے ورثاء انصاف کے حصول کے لئے احتجاج کرنے نکل پڑے

2019 ,فروری 10



لاہور(مانیٹرنگ ڈیسک): سانحہ ساہیوال کے متاثرین انصاف کے حصول کے لیے گورنر ہاؤس کے باہر احتجاج کریں گے۔  حکومت کی جانب سے انصاف کی فراہمی میں ناکامی کے بعد سانحہ ساہیوال کے متاثرین نے احتجاج کرنے کا فیصلہ کیا ہے اور اس سلسلے میں وہ گورنر ہاؤس کے باہر احتجاج کریں گے، مظاہرین میں خلیل اور ذیشان کے ورثاء سمیت محلے داروں کی بڑی تعداد شامل ہے جب کہ مظاہرین نے بینرز اٹھا رکھے ہیں جن پر انصاف کے حصول کے نعرے درج ہیں۔ واضح رہے سانحہ ساہیوال کو کئی روز گرزنے کے باوجود متاثرین کو انصاف نہ مل سکا جب کہ حکومت کی جانب سے کیے گئے وعدے بھی اب تک پورے نہ ہوسکے۔

متعلقہ خبریں