’’ لیڈی ڈیانا کو بچایا جا سکتا تھا اگر ۔۔۔ ‘‘ سالوں بعد برطانوی ڈاکٹر نے اپنی نئی کتاب میں حیران کُن انکشاف کر دیا

2019 ,اپریل 9



لندن (مانیٹرنگ ڈیسک) برطانوی ڈاکٹر نے اپنی نئی کتاب میں انکشاف کیا ہے کہ لیڈی ڈیانا اگر سیٹ بیلٹ باندھ لیتیں تو ٹریفک حادثے میں بچ سکتی تھیں۔ غیرملکی خبررساں ادارے کے مطابق برطانوی پیتھالوجسٹ ڈاکٹر رچرڈ شیفرڈ نے اپنی کتاب میں لکھا کہ شہزادی ڈیانا کو لگنے والا جان لیوا زخم اگرچہ بہت چھوٹا تھا، لیکن غلط جگہ لگا اور حادثات میں ایسا ۔زخم بہت کم کسی کو لگتا ہے۔ خیال رہے کہ اس سے قبل یک برطانوی ٹیلی وژن لیڈی ڈیانا سے متعلق عنقریب ایک ایسی ڈاکومنٹری نشر کرنے کا اعلان کیا جس میں آنجہانی ڈیانا اپنی ناکام شادی اور برطانوی شاہی خاندان کے ساتھ کشیدہ تعلقات کے بارے میں گفت گو کرتی دکھائی دیتی ہیں۔اس دستاویزی فلم کی تیاری میں شہزادی ڈیانا کی زندگی میں ریکارڈ کیے گئے ایسے ویڈیو کلپ استعمال کیے گئے ہیں، جو اس سے قبل برطانیہ میں کبھی نشر نہیں کیے گئے۔اس ویڈیو میں لیڈی ڈیانا برطانوی شاہی خاندان کے ساتھ کشیدہ تعلقات اور برطانوی ولی عہد شہزادہ چارلس کے ساتھ اپنی شادی کی ناکامی کے بارے میں گفت گو کرتی نظر آتی ہیں۔سن 1990 کی دہائی کے شروع میں ریکارڈ کی گئی اس ویڈیو میں ڈیانا آواز کی کوچنگ کرنے والے شخص سے ان امور کے بارے میں گفت گو کرتے ہوئے بتاتی ہیں کہ جب انہوں نے ملکہ الزبتھ ثانی کو اپنی ناکام ہوتی ہوئی ازدواجی زندگی کے بارے میں بتایا، تو ملکہ کا رد عمل کیا تھا۔ ڈیانا کہتی ہیں کہ ملکہ نے جواباﹰ کہا، ’’مجھے نہیں معلوم کہ تمہیں کیا کرنا چاہیے۔‘‘لیڈی ڈیانا اس ویڈیو میں یہ بتاتی بھی دکھائی دیتی ہیں کہ کیسے وہ اپنی سکیورٹی پر مامور ایک شخص بیری ماناکی کے عشق میں مبتلا ہوئیں۔سن 2004 میں لیڈی ڈیانا کی زندگی میں ریکارڈ کی گئی اس ویڈیو کے کچھ حصے ایک امریکی نشریاتی ادارے نے نشر کیے تھے تاہم برطانوی میڈیا میں کبھی بھی یہ ریکارڈنگ نشر نہیں کی گئی۔ برطانوی ٹی وی ’چینل فور‘ پر یہ ڈاکومنٹری فلم چھ اگست کو نشر کی جائے گی۔لیڈی ڈیانا اکتیس اگست سن 1997 کے روز فرانسیسی دارالحکومت پیرس میں پیش آنے والے ایک کار حادثے میں ہلاک ہو گئی تھیں۔

متعلقہ خبریں