آج کی بڑی خبر: وزیراعظم عمران خان نے امریکہ کی سرزمین پر بڑا اعلان کردیا ، تاجروں اور سرمایہ کاروں کو اب تک کی سب سے بڑی آفر کردی

2019 ,جولائی 21



واشنگٹن( مانیٹرنگ ڈیسک ) وزیراعظم عمران خان نے امریکی تاجروں اور سرمایہ کروں کو پاکستان میں سرماریہ کاری کی دعوت دے دی۔تفصیلات کے مطابق وزیراعظم عمران خان سے پاکستانی نژاد امریکی بزنس مین طاہرجاوید اور جاوید انور نے واشنگٹن میں ملاقات کی۔ سرمایہ کاروں نے پاکستان میں سلامتی کی بہتر صورتحال کو سراہا اور توانائی اور سیاحت سمیت سرمایہ کاری کی دلچسپی کے دوسرے اہم شعبوں کی نشاندہی کی۔اس موقع پر وزیراعظم عمران خان نے امریکی تاجروں اور سرمایہ کاروں کو پیشکش کی کہ وہ پاکستان میں اقتصادی اور کاروباری مواقع سے فائدہ اٹھائیں جو اہم جغرافیائی محل وقوع اور خطے کے دوسرے ممالک کے ساتھ زمینی روابط کا حامل ملک ہے۔واضح رہے کہ وزیراعظم عمران خان آج آئی ایم ایف کے قائم مقام ایم ڈی، عالمی بینک کے صدر اور کاروباری شخصیات سے ملاقاتیں کریں گے۔ وزیراعظم پاکستانی کمیونٹی سے خطاب اور پاکستان بزنس سمٹ میں شرکت بھی کریں گے۔وزیراعظم عمران خان کی کل وائٹ ہاؤس میں امریکی صدر ڈونلڈ ٹرمپ سے ملاقات ہوگی۔ وزیراعظم کی 23 جولائی کو امریکی وزیرخارجہ مائیک پومپیو سے ملاقات ہوگی۔بعدازاں وزیراعظم عمران خان امریکی تھنک ٹینک انسٹی ٹیوٹ آف پیس اور کیپٹل ہل میں پاکستانی کاکس سے خطاب کریں گے اور امریکی صحافیوں سے بھی ملاقات کریں گے۔ یاد رہے کہ وزیراعظم عمران خان 2 روز قبل امریکہ کے دورے پر روانہ ہوئے تھے وزیراعظم عمران خان دورہ امریکہ کے لئے کمرشل فلائٹ سے واشنگٹن کے لیے روانہ ہوئے تھے اور واشنگٹن جاتے ہوئے دوحا ائرپورٹ پر کچھ دیر کیلئے قیام کیا جہاں قطر ائر ویز کے چیف ایگزیکٹو آفیسر اکبرالبا نے وزیراعظم عمران خان سے ملاقات کی ۔ وزیراعظم کا سرکاری دورہ 21 جولائی سے شروع ہوگا۔دورہ امریکہ کے دوران جہاں وزیراعظم عمران خان کی امریکی صدر کے ساتھ ملاقات ہوگی وہا ں وہ آئی ایم ایف کے قائم مقام ایم ڈی، عالمی بینک کے صدر اور کاروباری شخصیات سے ملاقاتیں کریں گے۔وزیراعظم پاکستانی کمیونٹی سے خطاب اور پاکستان بزنس سمٹ میں شرکت بھی کریں گے۔

متعلقہ خبریں