میرا نے ماہرہ کو قابل فخر قرار دیتے ہوئے تعریفوں کے پل باندھ دیئے

2019 ,فروری 23



اسلام آباد (مانیٹرنگ ڈیسک) اداکارہ میرا ماہرہ خان کو قابل فخر قرار دیتے ہوئے تعریفوں کے پل باند ھ دیئے۔ تفصیلات کے مطابق میرا اور ماہرہ خان کے درمیان طویل عرصے سے جمی برف اس وقت پگھلنے لگی جب گزشتہ روزماہرہ خان نے ٹوئٹر پر فلم پرے ہٹ لو کے بارے میں اپنے خیالات کا اظہارکرتے ہوئے کہا تھا میں نے پرے ہٹ لو کا گانا دیکھا ہے، گانے میں تمام لوگوں نے اچھی پرفارمنس دی ہے لیکن میرا جی کی پرفارمنس اتنی زبردست ہے کہ آپ کی نظریں ان سے ہٹتی ہی نہیں، میرا نے اسکرین پر کسی کو نظر ہی نہیں آنے دیا۔ ماہرہ کی اس تعریف کے جواب میں اداکارہ میرا نے ماہرہ سے اپنی طویل سرد دشمنی کا خاتمہ کرتے ہوئے کھلے دل سے ان کی تعریف کا شکریہ ادا کیا اور کہا ماہرہ تم نے جو عزت اور محبت مجھے دی ہے میں اسے ہمیشہ یاد رکھوں گی۔ اس کے ساتھ ہی میرا نے ماہرہ کی تعریفوں کے پل باندھتے ہوئے کہا ماہرہ جس مقام پر تم آج ہو ہمیں تم پر فخر ہے، خدا ہمیشہ تم پر اپنی مہربانی رکھے۔

متعلقہ خبریں