فواد چوہدری کا اداکارہ پریتی زنٹا کو کرارا جواب

کراچی(مانیٹرنگ ڈیسک): وفاقی وزیر اطلاعات فواد چوہدری نے بالی ووڈ اداکارہ پریتی زنٹاکو کراراجواب دے کر انہیں خاموش کرادیا۔ بھارتی دراندازی پرپاکستان کی موثر جوابی کارروائی کے بعد بھی بھارت سبق سیکھنے کو تیار نہیں ہے۔ بالی ووڈ اداکار ہٹ دھرمی کا مظاہرہ کرتے ہوئےیہ ماننے کے لیے تیار ہی نہیں ہیں کہ ان کا پائلٹ جنگ جیت کر نہیں بلکہ ہار کر واپس گیاہے۔ اداکارہ پریتی زنٹا نے اپنے پائلٹ کی تعریفوں کے پل باندھتے ہوئے ٹوئٹ کی ’’لوگ یہ دیکھ کر حیران رہ گئے کہ روس کے 65 سال پرانے مگ 21 نے پاک بھارت سرحد پر امریکا کے جدید ایف 16 کو مارگرایا۔ اس بات سے یہ واضح ہوتاہے کہ اس پائلٹ کی ٹریننگ کیسی ہوئی ہوگی۔ ایک بہتر طیارہ وہ ہوتاہے جسے بہترین پائلٹ چلارہا ہو۔‘‘

پریتی زنٹا کے اس ٹوئٹ پر وزیر اطلاعات فواد چوہدری نے ان کی آنکھیں کھولتے ہوئے کہا ’’بالی ووڈ ستاروں میں سے اکثریت نے اپنی اسکول کی تعلیم بھی مکمل نہیں کی، اس لیے وہ اپنی سوچ سے آگے کی چیزوں میں ٹانگ نہ اڑائیں،  یہ معاملات ان کی سمجھ میں نہیں آئیں گے، ویسے بھی جنگ ان مسخروں کی باتوں سے بہت زیادہ سنجیدہ معاملہ ہے جنہیں قسمت نے شہرت یافتہ اور نامور کردیا ہے۔‘‘

واضح رہے کہ پاکستان اس بات کی تردید کرچکا ہے کہ حالیہ کارروائی میں میں پاکستان کا ایف 16 طیارہ استعمال ہواتھا بلکہ اس آپریشن میں جے ایف ٹھنڈرز طیارے استعمال ہوئے تھے۔