دنیا کا خطرناک ترین جھولا

2018 ,جنوری 25



اسلام آباد(مانیٹرنگ ڈیسک): آپ نے دنیا بھر کے ایڈونچر پارکس میں موجود خطرناک جھولوں کے بارے میں سنا ہوگا، لیکن آج جس جھولے کے بارے میں ہم آپ کو بتانے جارہے ہیں اسے دیکھ کر یقیناً آپ کی ریڑھ کی ہڈی میں سرد سی لہر دوڑ جائے گی۔امریکی ریاست کولو راڈو کے پہاڑی علاقے میں واقع ماؤنٹین پارک میں اس خطرناک جھولے پر بیٹھنا یا تو آپ کی زندگی کا ناقابل فراموش خوشگوار تجربہ ہوسکتا ہے، یا ساری عمر نہ بھول سکنے والا کوئی بھیانک خواب۔ایک پہاڑ کی چوٹی سے 100 میل فی گھنٹہ کی رفتار سے 200 فٹ نیچے جانے والا یہ جھولا بڑے بڑے دلیروں کو خوف کے مارے چلانے پر مجبور کردیتا ہے۔

چند منٹوں پر مبنی اس مختصر سفر میں آپ خود کو بلند پہاڑی سے نہایت برق رفتاری کے ساتھ نیچے زمین کی طرف جاتے محسوس کریں گے۔اس دوران آپ کو اپنے آس پاس مختلف پہاڑ نظر آئیں گے جن کے قریب سے ہوا کی رفتار سے گزر پانا، اور کچھ دیر تک زمین سے بے حد اوپر فضا میں لٹکتے رہنا غیر معمولی دل گردے کے افرد کا ہی کام ہے۔اگر آپ خطروں کے کھلاڑی اور مہم جوئی کے شوقین ہیں تو زندگی میں ایک بار آپ کو یقیناً اس جھولے سے لطف اندوز ہونا چاہیئے۔

متعلقہ خبریں