پاکستان کے بعد بھارتی انتخابات میں بھی نواز، مودی تعلقات کی گونج۔۔۔ نریندر مودی نے پاکستان آکر کیا کِیا تھا؟ بھارتی رہنماء ’ پریانکا گاندھی ‘ کا تہلکہ خیز انکشاف

نئی دہلی(مانیٹرنگ ڈیسک) بھارتی انتخابات میں نواز مودی ملاقات اور پاکستانی بریانی کا تذکرہ بھارتی وزیراعظم نریندر مودی پاکستان بریانی کھانےگئے، پریانکا گاندھی کی تنقید۔ میڈیا رپورٹس میں بتایا گیا ہے کہ بھارتی سیاسی جماعتیں انتخابی مہم کے دوران ایک دوسرے کی کرپشن اور نااہلی پر بات کرتی دکھائی دے رہی ہیں۔ اسی سلسلے میں انتخابی مہم میں پاکستانی بریانی کی انٹری سے ماحول دلچسپ دکھائی دے رہا ہے۔ انتخابی مہم کے دوران پاکستانی بریانی کا ذکر کانگریس کے صدر راہول گاندھی کی بہن پریانکا گاندھی نے چھیڑا۔ ریاست اترپردیش کی کانگریس کی سیکریٹری جنرل پریانکا گاندھی ایودھیا میں انتخابی ریلی میں شرکت کرنے پہنچیں، جہاں انہوں نے بی جے پی کو سخت تنقید کا نشانہ بنایا۔پریانکا گاندھی نے جہاں بی جے پی پر تیر برسائے وہیں انہوں نے وزیر اعظم نریندر مودی کو بھی آڑے ہاتھوں لیا اور انہیں پاکستان جانے کے طعنے دئیے۔ریلی کے دوران انہوں نے میڈیا سے بات کرتے ہوئے کہا کہا بھی تک انہوں نے انتخابات لڑنے کا فیصلہ نہیں کیا۔اگر انہیں پارٹی میدان میں اتارے گی تو وہ ضرور انتخابات لڑیں گی۔ریلی کے دوران پوچھے گئے سوال کے جواب میں پریانکا گاندھی نے کہا کہ نریندر مودی بریانی کھانے پاکستان گئے تھے۔انہوں نے کہا کہ 2015ء میں مودی جی پاکستان میں بریانی کھانے گئے،واضح رہے 25دسمبر 2015ء کو کیے گئے ان کے مختصر دورے کا حوالہ دیا۔نریندر مودید نے تین سال قبل اس وقت کے پاکستانی وزیراعظم کی سلاگرہ پر اچانک بن بلائے لاہور پہنچے تھے جہاں ان کا شاندار استقبال بھی کیا گیا۔خیال رہے نواز شریف پر بھی الزام عائد کیا جاتا ہے کہ ان کی بھارتی وزیراعظم سے ذاتی تعلقات ہیں یہی وجہ ہے کہ نریندر مودی پاکستان آئے۔نریندر مودی شریف خاندان کی شادی کی تقریب میں بھی پاکستان آئے تھے۔