امریکی جوڑے نے اپنی شادی کو یاد گار بنانے کے لیے ایسا کام کر ڈالا کہ سوشل میڈیا پر دھوم مچ گئی

2018 ,جنوری 27



نیویارک (مانیٹرنگ ڈیسک)دنیا میں بے شمار واقعات رونما ہوتے رہتے ہیں اور اکثر وبیشتر شادیاں، ہالز یا بینکوئیٹ میں ہوتی ہیں لیکن بہت سے لوگ ایسے بھی ہیں جو اپنی شادی کو یادگار بنانے کے لیے نت نئی جگہوں اور مقامات کا انتخاب کرتے ہیں۔ایسے ہی ایک امریکی جوڑے نے 400 فٹ اونچی پہاڑیوںکے درمیان شادی کی، جن کی تصاویر نے سب کو دنگ کردیا۔ ریان اور کمبرلے نامی جوڑے نے اپنی شادی کے لیے 400 فٹ اونچی یوٹاہ کی پہاڑیوں کا انتخاب کیا، جہاں پہاڑیوں کے درمیان جالی (نیٹ) باندھی دی گئی، جس پر کھڑے ہوکر دونوں رشتہ ازدواج میں منسلک ہوئے۔پہاڑیوں کے درمیان لگائی گئی جالیوں کو مضبوطی سے چاروں اطراف سے باندھا گیا تھا تاکہ خوشگوار موقع پر کوئی حادثہ پیش نہ آئے۔یوٹاہ کی 400 فٹ بلند پہاڑیوں کے درمیان جالی کا استعمال کرکے راستہ بنایا گیا تاکہ دلہن آسانی سے وہاں جاسکے اور کھڑی رہ سکے۔دونوں نے اپنی انوکھی انداز کی شادی پر تمام دوستوں اور اہل خانہ کو بھی مدعو کیا تھا تاہم کچھ افراد نے شادی انجوائے کرنے کے ساتھ بیس جمپنگ کا بھی مظاہرہ کیا۔شادی کی تمام تصاویر فوٹو گرافر ایبی ہیری نے لیں، جن کا کہنا تھا کہ اس شادی کی تصاویر لینے میں انہیں بے حد مزہ آیا اور واقعی یہ ایک انوکھی شادی تھی۔واضح رہے کہ ڈیلی میل کی ایک رپورٹ کے مطابق ریان اور کمبرلے نامی جوڑے نے اپنی شادی کے لیے 400 فٹ اونچی یوٹاہ کی پہاڑیوں کا انتخاب کیا، جہاں پہاڑیوں کے درمیان جالی (نیٹ) باندھی دی گئی، جس پر کھڑے ہوکر دونوں رشتہ ازدواج میں منسلک ہوئے۔پہاڑیوں کے درمیان لگائی گئی جالیوں کو مضبوطی سے چاروں اطراف سے باندھا گیا تھا تاکہ خوشگوار موقع پر کوئی حادثہ پیش نہ آئے

متعلقہ خبریں