روزیاں وچ طلاقاں والے مقدمیاں دے فیصلے نہ کرو: فلسطینی جج

لاہور (مانیٹرنگ رپورٹ)فلسطین دی شرعی عدالت دے سربراہ نے ججاں نوں حکم دتا ہے کہ رمضان دے مہینے وچ طلاقاں دے فیصلے نہ کرن کیونکہ روزے دے دوران ایہو جہیے الفاظ نکل سکدے نیں جیہناں تے بعد وچ پچھتاوا ہوئے۔ شرعی عدالت دے سربراہ جج محمود حبش آکھیا ہے کہ انہاں ایہہ حکم پچھلے کئی سالاں دے تجربے دی روشنی وچ دتا ہے۔ انہاں آکھیا کہ انہاں دا تجربہ کہندا ہے کہ صبح توں شام تک روزہ رکھن تے سگریٹ نوشی نہ کرن دی وجہ توں مزاج گرم ہو جاندا ہے تے سخت الفاظ نکل جاندے نیں۔ کچھ وجہ ایہہ ہوندی ہے کہ لوکاں نے کچھ کھادا وی نہیں ہوندا تے سگریٹ نوشی نہیں کیتی ہوندی جس دی وجہ توں شادی شدہ زندگی وچ مسائل پیدا ہوندے نیں تے ایس طراں جلد بازی وچ فیصلے کیتے جاندے نیں جو سوچ سمجھ کے نہیں کیتے جاندے۔ فلسطینی اتھارٹی والیاں دسیا ہے کہ مغربی کنارے تے غزہ وچ 50 ہزار شادیاں اتے اٹھ ہزار طلاقاں ہوئیاں۔ بے روزگاری تے غربت طلاق دی وڈی وجوہات نیں۔