اسلام آباد (شفق ڈیسک) ایشیائی ترقیاتی بنک نے تاپی گیس پائپ لائن منصوبے کیلئے ایک ارب ڈالر قرض فراہم کرنے کی پیشکش کردی۔ تفصیلات کیمطابق اے ڈی بی ترکمانستان، افغانستان، پاکستان گیس پائپ لائن منصوبے میں مشیر کے طور پر شامل تھا تاہم اب بنک نے ایک ارب ڈالر کی فنانسنگ کی پیشکش بھی کر دی۔ بنک کا کہنا ہے یہ منصوبہ ان ملکوں میں جاری توانائی بحران کے خاتمے کا باعث بنے گا، پاکستان کی جانب سے انٹراسٹیٹ گیس سسٹم کمپنی پاکستان میں گیس کی درآمد کرنے کی ذمہ دار ہے۔ یاد رہے اس سے قبل اسلامی ترقیاتی بنک نے بھ

ی تاپی منصوبے کیلئے پچاس کروڑ ڈالر قرضہ دینے کا اعلان کررکھا ہے۔ خیال رہے کہ تاپی منصوبے میں شامل ممالک کے سربراہان نے 2010ء میں اس گیس پائپ لائن کے معاہدے پر دستخط کئے تھے۔ 56 انچ قطر کی 1680 کلو میٹر طویل پائپ لائن کے ذریعے ترکمانستان سے سالانہ 3.2 بلین کیوبک فیٹ گیس افغانستان، پاکستان اور بھارت کو فراہم کی جائیگی۔ اس منصوبے کی تکمیل کیلئے ایشیائی ترقیاتی بنک فنڈنگ کر رہا ہے۔ منصوبے کی ابتدائی لاگت 3.3 ارب ڈالرز تھی تاہم 2008ء میں نظرثانی کے بعد اس منصوبے کی لاگت بڑھ کر دگنی سے بھی زائد یعنی 7.6 ارب ڈالرز تک پہنچ گئی تھی۔ ماہرین کے خیال میں وقت گزرنے کیساتھ ساتھ اس لاگت میں بھی اور بھی اضافہ ہو جائیگا، منصوبے کی بروقت تکمیل کی صورت میں 2017ء میں گیس کی ترسیل شروع ہو جائیگی۔