پاک امریکہ ٹریڈ اینڈ انسوسٹمنٹ کونسل کا اجلاس 18 اکتوبر کو ہوگا
تحریر: فضل حسین اعوان
| شائع اکتوبر 17, 2016 | 18:15 شام
اسلام آباد (شفق ڈیسک) پاکستان امریکہ ٹریڈ اینڈ انسوسٹمنٹ فریم ورک ایگریمنٹ کونسل کا آٹھواں اجلاس 18 اکتوبر کو اسلام آباد میں ہو گا۔ اجلاس میں پاکستانی مصنوعات کی عالمی منڈیوں تک رسائی، پاکستان میں کاپی رائٹس کے معمولات کے ساتھ پاکستان میں سکیورٹی بہتری آنے کے بعد امریکی سرمایہ کاروں کیلئے جاری ایڈوائزری کا دوبارہ جائزہ لیا جائے گا۔وزارت تجارت کے مطابق ٹیفا اجلاس میں پاکستان اور امریکہ منڈیوں تک رسائی میں بہتری لانے پر معاملات زیر غور آنے کے ساتھ ٹیکسٹائل، زرعی اور دیگر مصنوعات، پاکستان میں حق
وق ملکیت دانش کے نفاذ اور اختلافی امور کے حل کے میکنزم کا ایجنڈا بھی شامل ہے۔ امریکی وفد کو پاکستان میں سکیورٹی اور اقتصادی صورتحال میں بہتری کے حوالے سے بریفنگ دی جائے گی اور سرمایہ کاروں کے بامی آزادانہ رابطوں کیلئے ایڈوائزری پر نظرثانی کی جائے گی۔ امریکی وفد کی قیادت امریکی تجارتی نمائندہ اور سفارتکار مائیکل فورمن کریں گے جبکہ پاکستانی وفد کی قیادت وفاقی وزیر تجارت خرم دستگیر کریں گے۔
