میں تے ہن وی ترین نوں صادق تے امین سمجھدا ہاں۔وزیر اعلی خیبر پی کے خٹک

لاہور(مانیٹرنگ رپورٹ)نواز نوں عدالتاں نال لڑن دا آکھن والے جہانگیر ترین بارے دتے نااہلیاں والے سپریم کورٹ دے فیصلے خلاف کھلی گلاں کر رہے نیں۔بادامی ہوراں دے ٹی وی پروگرام وچ گل بات کردے ہوئے صوبہ خیبر پختونخوا دے پردھان وزیر پرویز خٹک ہوراں صاف صاف آکھیا ہے پئی سپریم کورٹ دا فیصلے جو وی آکھے پئی میری نظر وچ تے جہانگیر ترین ہوری اج وی صادق تیامین نیں۔ انہاں نوں تکنیکی بنیاداں تے نااہل کیتا گیا ہے۔اینکر پٹ مریا پئی ایہو دلیل تے سابقہ وزیراعظم میاں نواز شریف وی دیندے نیں پر پرویز خٹک دا کاں چٹا ہی رہیا۔جہانگیر ترین دی نااہلیاں بعدوں تحریک انصاف دے لیڈرعمران خان اتے وزیراعلی پرویز خٹک جنج اٹھ واٹھ مار رہے نیں اوس پاروں انہاں دا اپنا بیانیہ کوڑ۔ہشیار اسد عمر تے شاہ محمود قریشی پر در وٹی بیٹھے نیں۔جہانگیر ترین دا مرنا ایہہ وی ہے پئی اوہ قنون پاروں تے جنرل سیکٹری رہ سکدا ہے اتے ایہہ گل پرویز خٹک وی منیندے نیں پر سب انہاں نوں آکھ رہے نیں کہ تساں پارٹی دا عہدہ چھڈ دیو۔عمران خان تے ترین دی نااہلیاں بعدوں ایہہ وی آکھیا ہے پئی ہن صادق تے امین والی شقاں نوں ٹھیک کرنا ہو سی۔ اپریل توں دسمبر تیک عدالتی فیصلیاں پاروں ن۔لیگ تے تحریک انصاف وی پی پی پی والی پوزیشن تے آ چکیاں نیں اتے پی پی پی جیہڑی کل تیک عدالتاں دی چمک بارے گل کردی تھی اج جے آئی ٹیاں دی وی حمائیتاں کر رہی ہے۔جس گل نوں پی ٹی آئی اتے خٹک ہوری ترین کیس وچ چلا رہے نیں اوس پاروں فیر جو نواز کر رہے نیں اوس تے اعتراض نہ کرن۔