کراچی (مانیٹرنگ رپورٹ) کیریبین کرکٹ لیگ میں شاہ رخ خان نے ابھرتے ہوئے نوجوان پاکستانی آل راوءنڈر شاداب خان کو اپنی ٹیم ٹرن باگو نائٹ رائیڈر میں شامل کرلیا۔

ٹویٹر اکاونٹ پر جاری تفصیلات کے مطابق سی پی ایل 2017ء کیلئے شاہ رخ خان کی فرنچائز ٹرن باگو نائٹ رائیڈرز نے شاداب خان کو 30 ہزار ڈالرز کے عوض اپنی ٹیم میں شامل کیا ہے۔فرنچائز نے اپنے ٹویٹر پر جاری پیغام میں شاداب خان کو ٹی کے آر فیملی میں خوش آمدید کہتے ہوئے کہا ہے کہ ہمیں خوشی ہے کہ پاکستان کے ابھرتے ہوئے نوجوان کرکٹر شاداب ہماری ٹیم کا حصہ ہوں گے۔پاکستان سپر لیگ 2 میں شاداب خان اسلام آباد یونائیٹڈ کا حصہ تھے، انہوں نے ٹورنامنٹ میں شاندار آل راونڈ پرفارمنس کا مظاہرہ کرتے ہوئے سینئر کرکٹرز اور ماہرین سمیت شائقین کو کافی متاثر کیا تھا۔پاکستان کرکٹ بورڈ نے شاداب خان کی کارکردگی کو مد نظر رکھتے ہوئے دورہ ویسٹ انڈیز کیلئے ٹریننگ کیمپ کیلئے منتخب کھلاڑیوں میں بھی شامل کیا ہے۔اسلام آباد یونائیٹد کے مالک علی نقوی نے بھی شاداب خان کی سی پی ایل ٹیم میں شمولیت پر مسرت کا اظہار کرتے ہوئے انہیں مبارکباد دی ہے۔