لاہورا(مانیٹرنگ)لاہور میں جنرل ہسپتال کے قریب مبینہ پولیس مقابلہ ہوا۔ ڈاکوﺅں کی فائرنگ سے ایک کانسٹیبل زخمی ہوا ۔پولیس کے مطابق گزشتہ روز جنرل ہسپتال کے قریب مست نگر روڈ پر پولیس مقابلہ ہوا ۔ ڈاکو ڈکیتی کر کے فرار ہورہے تھے کہ پولیس نے ناکے پر انہیں روکنے کی کوشش کی جس پر ڈاکوں نے پولیس پر فائرنگ کردی۔ جس سے ایک کانسٹیبل زخمی ہوگیا۔ کانسٹیبل کو طبی امداد کیلئے جنرل اسپتال منتقل کردیا گیا۔ ڈاکو فائرنگ کرتے ہوئے موقع سے فرار ہوگئے۔ پولیس نے نامعلوم ڈاکوں کے خلاف مقدمہ درج کرکے کارروائی کا آغاز کردیا ہے۔
