میں پاکستان کا صدرہوں،ممنون کی ڈی جی آئی ایس آئی سے ملاقات
تحریر: فضل حسین اعوان
| شائع دسمبر 28, 2016 | 18:19 شام
اسلام آباد(مانیٹرنگ) صدر مملکت ممنون حسین نے کہا ہے کہ مادر وطن کے دفاع کیلئے آئی ایس آئی کی قربانیاں قابل تحسین ہیں،آئی ایس آئی قوم کی توقعات پر پورا اترے گی۔ایوان صدر میں نئے ڈی جی آئی ایس آئی لیفٹیننٹ جنرل نوید مختار سے ملاقات کے دوران گفتگو کرتے ہوئے صدر مملکت ممنون حسین نے دہشت گردی اور انتہاءپسندی کے خلاف جنگ میں آئی ایس آئی کے کردار کو سراہتے ہوئے کہا ہے کہ مادر وطن کے دفاع کیلئے ملک کے اعلیٰ انٹیلی جنس ادارہ کی قربانیاں قابل تحسین ہیں۔صدر نے توقع ظاہر کی کہ آئی ایس آئ
ی قوم کی توقعات پر پورا اترے گی اور اعلیٰ انٹیلی جنس ادارہ دشمن کے مذموم عزائم کو شکست دے گا۔صدر نے لیفٹیننٹ جنرل نوید مختار کو ڈی جی آئی ایس آئی مقرر ہونے پر مبارکباد دیتے ہوئے توقع ظاہر کی کہ ڈی جی آئی ایس آئی وسیع تجربے اور پیشہ وارانہ مہارت سے ذمہ داریاں ادا کریں گے۔
