لاہور (مانیٹرنگ رپورٹ)اساں ڈرافٹ تے کم کررہے ہاں تے داودناں وچ قومی اسمبلی وچ قرارداد نوں جمع کروا دواں گے۔ایہہ گل میڈیا وچ شیریں مزاری ولوں اج چھپی ہے۔امید ہے ایس نوں ”ذاتی“بیان نہیں آکھیا جائے گا۔پی ٹی آئی راحیل شریف دی نوکری نوں غلط سمجھدی ہے، اتحاد بارے جاننا چاہندی ہے یا ایس مسئلہ تے نرا حکومت نوں رگیدنا چاہندی ہے ایس بارے سارا چانن ڈرافٹ دی لکھت توں سامنے آجائے گا۔ آئی ایس پی آر ایس فیصلے نوں ”ریاست“ دا فیصلہ آکھ چکی ہے تاں فیر ایس بارے پوری گل وی حکومت دی تھاں ریاست نوں ہی کرنی چاہیدی ہے۔کل تک طالبان دی پچھلگ پی ٹی آئی اج ایران دی حامی، پر ڈرافٹ آپ اندر دی گل دس دے گا۔اسد عمر، شفقت محمود، شاہ محمود قریشی تے شیریں مزاری ڈرافٹ تیار کر رہے نیں کہ دو دناں وچ گل سامنے آجا سی۔