سینیٹ:جنرل(ر)راحیل شریف دی نوکری تے سعودی اتحاد بارے بحثاں

لاہور (مانیٹرنگ رپورٹ)اج سینیٹ دے اجلاس وچ سعودی اتحاد وچ پاکستان دی رلت ، ٹی او آر اتے سابقہ آرمی چیف جنرل(ر) راحیل شریف دی سعودی اتحاد وچ نوکری بارے گل بات ہوئی جس وچ سینیٹراں بہوں سوال چکے۔سینیٹر فرحت اللہ بابر ایہہ سوال چکیا کہ ویکھنا پئے گا کہ راحیل شریف ہوراں دس مہینے پہلاں ہی کیوں ایہہ آکھ دتا سی کہ اوہ ایکسٹینشن نہیں لین گے۔ایس دا ٹیچا کیہہ سی؟انہاں دا اشارہ ایس گل بارے سی کہ کیہہ انہاں نوں آفر ہو چکی سی؟انہاں آکھیا کہ ایس بارے تحقیقاں کرنیاں چاہیدیاں نیں۔سینیٹر بشیر بلور آکھیا کہ جے ٹی او آر ایران دے خلاف ہوئے تے انہاں نوں نہیں منیا جانا چاہیدا۔چیرمین سینیٹ گل بات کردے ہوئے آکھیا جے اتحاد دے ٹی او آر پاکستان نہ قبولے تاں فیر کیہہ ہو سی؟ کیہہ سرکار انہاں نوں واپس بلا لے گی؟ایہہ بحثاں تاں مارے ہوئیاں کیونجے اک سوال دے جواب وچ مشیر خارجہ دسیا سی کہ ہلے ٹی او آر نہیں بنے۔ اتحاد بارے پالیسی پارلیمنٹ بنائے گی۔ پوری خبر ایتھے پڑھو۔دلچسپ گل ایہہ ہے کہ اک پاسے پی پی پی نویں قومی اتحاد وچ رلت کر چکی ہے پر رضا ربانی کجھ ہور سوال چک رہے نیں۔