گوگل کا راج کمار کی سالگرہ پر انہیں خراجِ عقیدت پیش

2017 ,اپریل 24



لاہور(مانیٹرنگ ڈیسک)انٹرنیٹ کے سب سے بڑے سرچ انجن گوگل نے معروف بھارتی اداکار و گلوکار راج کمار کی سالگرہ پر انہیں خراج عقیدت پیش کرتے ہوئے اپنے ڈوڈل کو ان کی تصویر سے سجا دیا۔ تامل ناڈو فلموں کے اداکار راج کمار کو بھارتی سینما کا ایک عظیم اداکار قرار دیا جاتا ہے۔ ان کی 88 ویں سالگرہ کے موقع پر جہاں ان کے مداحوں نے انہیں یاد کیا وہیں گوگل نے بھی انہیں خراج عقیدت پیش کیا۔راج کمار نے 1954 سے اپنے فلمی کیریئر کا آغاز کیا۔ انڈسٹری میں گزارے گئے اپنی عمر کے ایک طویل حصے میں انہوں نے 220 کے قریب فلموں میں کام کیا۔بھارتی سینما کے لیے راج کمار کی خدمات کا اعتراف کرتے ہوئے انہیں 4 بار نیشنل ایوارڈ سے نوازا گیا۔ اس کے علاوہ انہیں پدم بھوشن ایوارڈ اور دادا صاحب پھالکے ایوارڈ سے بھی نوازا گیا۔راج کمار سنہ 2006 میں 76 سال کی عمر میں انتقال کر گئے تھے۔

متعلقہ خبریں