ریمنڈ ڈیوس سب توں ودھ پاکستانی میڈیا نوں بھنڈیا، اوہی اوس نوں مشہور کر رہیا ہے

لاہور(مانیٹرنگ رپورٹ)ریمنڈ ڈیوس بارے ہن میڈیا یا تے چپ کر جائے گا تے پانامہ پانامہ دا راگ مڑ شروع کر دے گا یا فیر ریمنڈ دی کتاب نوں سازش آکھے گا کیونجے ایس کتاب وچ پاکستانی میڈیا، سیکورٹی اداریاں تے عدالت دے تال میل دا ذکر وی وادھو ہے تے میڈیا دی ہشیاربونگیاں بارے وی گل کیتی گئی ہے۔ریمنڈ ہوراں پاکستانی میڈیا دے نال نال امریکی میڈیا دے گھٹیا کردار بارے وی گل کیتی ہے جس اوس دی بیوی دی مت مار چھڈی سی۔اینج جاپدا سی کہ میڈیا پاشا ہوراں نوں بچاون لئی توپاں دا رخ نواز ول کیتا ہے تے اوہ گلاں چینلاں تے چلائیاں تے اخباراں وچ چھاپیاں جیہڑیاں کتاب وچ موجود ہی نہیں۔کتاب انٹر نیٹ توں مفت لا کے ویکھن نال پتہ چلیا کہ میڈیا اپنے آپ نوں بچاون لئی توپاں دا رخ نواز ول کیتا۔ذرا وڈے وڈے اینکراں دے پروگراماں بارے مڑ جھات پاؤ کہ انہاں گل نواز تے پاشا توں میڈیا ول آون ہی نہ دتی۔سازشی تھیوریاں تے جھوٹی خبراں دے حوالے تے اخباراں وغیرہ دے ناں وی لکھے نیں۔