راو تحسین ہوری اسلام آباد ہائی کورٹ اپڑ گئے۔رپورٹ منگ لتی

لاہور(مانیٹرنگ رپورٹ)سابق پرنسپل انفارمیشن آفیسر راوتحسین نے عہدے توں برطرفیاں اتے اپنے خلاف محکمانہ کاروائیاں نوں اسلام آباد ہائی کورٹ وچ چیلنج کردتا ہے۔ سینئر ایڈووکیٹ وسیم سجاد دے ذریعے جمع کرائی گئی درخاست وچ وزارت اطلاعات، وزارت داخلہ تے وزیراعظم دے سیکرٹری نوں فریق بنایا گیا ہے۔ درخاست وچ موقف اختیار کیتا گیا ہے کہ ڈان لیکس دا ملبہ بلاجواز میرے تے پایاگیا۔ 29 اپریل نوں عہدے توں ہٹا کے سٹیبلشمنٹ ڈویڑن وچ رپورٹ کرن نوں آکھیا گیا۔ انہاں نے آکھیا کہ انکوائری کمیشن دی حتمی رپورٹ وکھائے بغیر ہی کاروائی کیتی گئی۔ انہاں نے آکھیا کہ انکوائری کمیٹی دی رپورٹ حاصل کرنا میرا حق ہے۔ عدالت رپورٹ فراہم کرن دا حکم دے۔