جندال بارے خبر کس لیک کیتی؟کیہ ڈان لیکس وانگ ایس دی وی کھوج لگ سی؟

لاہور (مانیٹرنگ رپورٹ)سجن جندال دے دورے بارے کس کس نوں پتہ سی؟ کس ایس نوں میڈیا لئی لیک کیتا۔جے ایہہ بیک چینل ڈپلومیسی سی تے اوس بارے کدی منیا نہیں جاندا۔سابق خارجہ وزیر تے پی ٹی آئی دے لیڈرخورشید? قصوری آکھیا کہ ایس تے سیاست نہ کیتی جائے۔پر انہاں دے لیڈر نوں کون سمجھائے۔ایہہ ملاقات کدوں تے کتھے ہوئی، ویزے دی تفصیلاں اتے نمبرمیڈیا نوں کس جاری کیتیاں؟ ایہہ سب سوال۔جے ایہہ ملاقات مشرف کیتی ہوندی تے سب نوں سنے میڈیا یا تے سپ سنگھ جاندا یا فیر اوہ اوس دی تریفاں کردے نہ تھکدے۔بیک چینل تے ہوندا ہی اوسویلے ہے جداں سدھے رستے بند ہو جاندے نیں۔پر جیہڑے بیک چینل نوں ایکسپوز کردے نیں اوہ کس دی خدمت کر رہے ہوندے نیں؟جے بیک چینل نوں من لتا جائے تے ”بیک“ترٹ جاندی ہے تے ایس دا فیدہ نرے انہاں نوں ہوندا ہے جیہڑے سرد جنگی محول تے پلدے نیں۔