کیہہ اساں62تے63سب تے لاون دی ترمیم لیائے؟سعد رفیق ۔بحران ہور چوڑ

لہور(مانیٹرنگ رپورٹ)لہور وچ پریس کانفرنس کردے ہوئے مسلم لیگ(ن) دے لیڈر خواجہ سعد رفیق آکھیا کہ کیہہ ہن اسمبلی راہیں اساں ایہہ ترمیم کر دیے کہ صادق اور امین دی شق سب تے لگ جائے تے فیر گل کتھے ٹر جائے گی؟ایس انتشار دا کس نوں فیدہ ہوئے گا۔سیاستداناں نوں ایہہ گل نظر آرہی ہے کہ کجھ قوتاں پاکستان وچ انتشار پیدا کر کے بنگلہ دیش فارمولا لیانا چاہندیاں نیں۔اجہی قوتاں پاکستان وچ وی نیں تے پاکستان توں باہر وی۔اٹھارویں ترمیم ویلے جماعت اسلامی،جمعیت علما اسلام ، مسلم لیگ(ن) تے ق لیگ نے باٹھ تے تریٹھ نوں کڈن دی مخالفتاں کیتیاں سن۔ایس بارے گل کردے ہوئے انہاں آکھیا کہ جے اساں انہاں شقاں نوں مکاندے تے آکھیا جانا سی کہ انہاں اپنے آپ نوں بچاون لئی ایہہ کیتا ہے۔عدالتاں اجہے فیصلے نال انج دیاں عزتاں کما رہیاں نیں جنج بھٹو والے کیس بعدوں کمایاں سن۔