طارق فاطی نیا ہدف ؟ہر ادارے تے تنقیداں اتے ”اب کی مار“ والی عمرانی ویڈیو

2017 ,اپریل 25



لاہور (مانیٹرنگ رپورٹ)دفتر خارجہ ولوں خارجہ مسلیاں تے وزیراعظم دے مشیر طارق فاطمی خلاف آون والی خبراں نوں رگیدیا گیا ہے۔ میڈیا وچ ون سونیاں خبراں چل رہیاں نیں کہ ڈان لیکس پاروں انہاں دی ”بلی“ دتی جان والی ہے۔ میڈیا وچ ایہہ خبر وی آئی ہے کہ طارق فاطمی ملک چھڈ کے جاچکے نیں۔ جے خارجہ وزارت سمجھدی ہے پئی میڈیا تے فاطمی خلاف بہتان لائے گئے نیں۔ تے اوہ پمرا نال کیوں نہیں رابطہ کردے۔ جے ایہہ کاروائی ہوئی تے ایس نوں سعودی اتحاد وچ حاضریاں دا فال آوٹ سمجھیا جائے گا۔ کتھے پانامہ توں بعد دے ایجنڈے پاروں ایہہ سب ہورہیا ہے؟ ایہہ سب ہلے سوال ہی نیں۔اک پاسے چیف جسٹس عمران خان تے دوجے سیاستداناں نوں سمجھا رہیا ہے، دوجے پاسے آئی ایس پی آر وضحاتی بیان دے رہیا ہے تے تریجے پاسے خارجہ وزارت ایہہ بیان دتا ہے۔ڈان لیکس پاروں اک وکھرا کم پہلاں توں جاری ہے۔جمعے دے جلسہ لئی جیہڑی ویڈیو عمران خان ہوراں جاری کیتی ہے اوہ گل انہاں نوں چیف جسٹس اگے کرن دی ہمت کرنی چاہیدی سی۔جے آئی ٹی بارے البتہ خان ہوراں یو ٹرن لے لتا ہے اتے ایہہ دھمکیاں ”اب کی مار سالے“ آکھنا انہاں دا بندا سی پئی جلسہ وچ وی لوکاں نوں بلانا ہے۔
 

متعلقہ خبریں