شاہ سلمان دی تعریف ، حداں پار، کالمچی کڈہ ماریا۔شاہ توں وادھو، شاہ پرستیاں

لاہور(مانیٹرنگ رپورٹ)شاہ توں وداھو شاہ پرستیاں دا کم ساڈے ایتھے ہی نہیں ہوندا سگوں ساڈے نالدے میڈیائی ہرکارے ہر تھاں موجود نیں۔اینکراں،خبرچیاں،کالم چیاں وچ ایجنڈے پاروں چلن والے تے بہوں ہوندے نیں پر کجھ حداں پار وی کر جاندے نیں۔سعودی عرب دے میڈیا دا کہنا ہے کہ مقامی اخبار د ے کالمچی( کالم نگار) نوں ایس ویلے گیا جدوں اوہ شاہ سلمان دی تعریف دے پل بنن وچ حد توں ٹپ گیا، اخبار والیاں کڈہ ماریا۔ سعودی عرب دی میڈیا دے مطابق الجزیرہ نامی اک مقامی اخبار دے کالم نگار رمضان العنزی ہوراں شاہ سلمان دی تعریف کردے ہوئے اوہ الفاظ استعمال کردتے جو اللہ لئی استعمال کیتے جاندے نیں۔ سعودی عرب وچ بادشاہ دی تعریف کرنا روایتی گل ہے تے عام طور تے ایس دی توقع وی کیتی جاندی ہے۔ کالم نگار رمضان العنزی نے سلمان دی تعریفاں لئی اوہ الفاظ استعمال کیتے جیہڑے رب دی صفتاں پاروں ورتے جاندے نیں۔ بی بی سی لکھیا ہے پئی سلمان ہوری وی اجہے لفظاں نوں پڑھ کے بہوں حیران ہوئے سن۔ ایہہ کالم جمعہ دے روز چھاپے چاڑھیا گیا سی تے اخبار الجزیرہ نے ایس کالم تے معافی وی منگ لتی۔ ایہہ وی دسیا گیا ہے کہ اخبار دے خلاف وی کاروائی دا حکم دتا گیا ہے۔