عمران خان کھوبے وچ: تلاشی دے یا گرفتاری۔فیصلے وچ 7دن رہ گئے

لاہور(مانیٹرنگ رپورٹ)این اے120بعدوں عمران خان لئی نواں امتحان تیار۔الیکشن کمیشن توہین عدالت کیس وچ عمران خان دے قابل ضمانت وارنٹ جاری کر چکیا ہے اتے عمران خان دے وکیل نوں حنیف عباسی کیس وچ پردھان جج ایہہ آکھ چکے نیں پئی اوہ الیکشن کمیشن اگے ریکارڈ دین دے پابند نیں۔ عمران خان بار بار الیکشن کمیشن خلاف گلاں وی کر چکے نیں تے اوس دا سامنا وی نہیں کر رہے۔ انہاں دے وکیل سیریم کورٹ تے الیکشن کمیشن اندر کجھ کہندے نیں تے خان ہوری کجھ ہور آکھ دیندے نیں۔ پر اوہ کیس نوں جڈا لما کر سکدے سن اوہ وقت ہن پورا ہوندا جاپدا ہے۔ کل وزیراعظم شاہد خاقان عباسی نے وی اپنا پیر الیکشن کمیشن ول پا دتا ہے اتے آکھیا ہے پئی الیکشن کمیشن اک آئینی ادارہ ہے اتے جے اوس عمران دی گرفتاری دا حکم دتا ہے تے حکومت عمران نوں پھڑیچ کے پیش کرن تے مجبور ہے۔ ہن ویلہ نیڑے آرہیا ہے اتے خان ہوراں کول نرا ہک ہفتہ ہے کہ یا اوہ الیکشن کمیشن نوں تلاشی دین یا فیر گرفتاری دین دی ہمت کرن۔