گڈانی شپ یارڈ میں پھر آگ بھڑک اٹھی ، تفصیلات اس خبر میں
تحریر: فضل حسین اعوان
| شائع دسمبر 22, 2016 | 11:29 صبح
کراچی (مانیٹرنگ رپورٹ) گڈانی شپ بریکنگ یارڈ پرآج ایک اور بحری جہاز میں آگ بھڑک اٹھی۔ گڈانی شپ بریکنگ یارڈ میں کھڑے بحری جہاز میں زوردار دھماکے کے بعد اچانک آگ بھڑک اٹھی۔ آگ لگنے کے فوری بعد فائر بریگیڈ کی گاڑیاں طلب کر لی گئیں جبکہ ایدھی کی ایمبولینسیں بھی گڈانی روانہ ہو گئی ہیں۔
حادثے کے وقت جہازپر سو مزدور کام کر رہے تھے۔ ذرائع کے مطابق آگ وقت گزرنے کے ساتھ ساتھ پھیل رہی ہے تاہم کسی جانی نقصان کی اطلاع نہیں ہے۔ واضح رہےکہ نومبرکے پہلے ہفتے میں بھی گڈانی شپ بریکنگ یارڈ
پر کھڑے آئل ٹینکر آگ بھڑک اٹھنے سے 28 مزدور شعلوں کی نذر ہوگئے تھے جبکہ متعددجھلس کر زخمی ہوئے۔ عینی شاہدین کا کہنا تھا کہ ٹینکر میں 10 فٹ تک آئل موجود تھا جیسے نکالا نہیں گیا تھا اور یہی حادثے کی وجہ بنا۔ حادثے کے بعد سے گڈانی شپ بریکنگ یارڈ پر دفعہ 144 کے تحت پابندی عائد تھی جسے ایک ہفتہ قبل ہی ہٹایا گیاتھا۔
