پریانکاچوپڑا کو کونسی بیماری لاحق ہے ؟اپنی شادی سے قبل ایسی خبر سنا دی کہ مداح افسردہ ہو گئے

2018 ,نومبر 15



لاہور (ویب ڈیسک )بالی ووڈکی سپر سٹار پریانکا چوپڑا نے پہلی مرتبہ خود کو لاحق بیماری کا ذکر میڈیا میں کر دیا ہے جس نے ان کے مداحوں کو ورطہ حیرت میں مبتلا کر کے رکھ دیاہے ۔

بھارتی میڈیا سے خصوصی گفتگو کرتے ہوئے پریانکا چوپڑا نے انکشاف کیا کہ وہ کبھی بھی اس حقیقت سے نہیں بھاگتیں کہ انہیں دمہ کی بیماری ہے ، میرے دمہ میں مبتلا ہونے کی تشخیص اس وقت ہوئی جب میں پانچ برس کی تھی، میرے لیے اس حوالے سے کوئی مشکل نہیں ہوئی والدین نے اس کا حل گھر پر ہی نکال دیا، انھوں مجھے سکھا دیا کہ انہیلر کا استعمال کرنا ہے اور اسے زندگی کا حصہ بنالینا ہے۔

 اسی طرح بہت سے لوگ ہیں جو کہ اسی قسم کی کسی پریشانی کا شکار ہوتے ہوئے بھی قابل تعریف کام کرتے ہیں۔ان کا کہناتھا کہ میرے والدین بھارتی فوج میں ڈاکٹرز تھے اور اس کی وجہ سے انہیں کافی سفر بھی کرنا پڑتا تھا جس کی وجہ مختلف شہروں میں ہونے والے تبادلے تھے ۔پریانکا کا کہناتھا کہ والدین کے ڈاکٹر ہونے کا ایک فائدہ یہ ہوتا ہے کہ جب بھی بیماری ہوتی ،تو انھیں معلوم ہوتا ہے کہ مسئلہ کیا ہے اوراس سے بھی اہم بات یہ کہ اسکا علاج کیا ہے۔

بعض اوقات جب میں کوئی اسٹیج شوزکرتی جس میں بہت زیادہ توانائی خرچ کرنے والے ڈانس شامل ہوتے ، یا پھر گردآلود ماحول میں کام کرنا پڑتا تو میری دمہ کی تکلیف بڑھ جاتی تھی۔ برفی فلم کی شوٹنگ کے دوران ایک سین میں مجھے ایک چارے سے بھرے ٹرک میں بیٹھنا تھا ،یہ کافی مشکل تھا لیکن میں نے اپنے دمہ کو اس شوٹ کیلئے رکاوٹ نہیں بننے دیا، اور اپنے انیہلر کو استعمال کرکے شوٹ کو مکمل کرایا۔

متعلقہ خبریں