ساڈی گل نہ منی تے اساں سب دی گیس بند کرداں گے: وزیراعلیٰ۔بینک گارنٹی دیو، گیس مل جاسی۔سوئی سدرن

سندھ (مانیٹرنگ رپورٹ)وزیر اعلیٰ سندھ مراد علی شاہ نے آکھیا ہے کہ سندھ نوں گیس نہ ملی تے سب دی گیس بند کردواں گے۔ سوئی سدرن دے دفاتر کراچی وچ ہی نیں، انتظام اساں آپ سنبھالاں گے۔ وزیر اعلیٰ سندھ نے اسمبلی وچ خطاب دے دوران وفاق تے سوئی سدرن نوں وارننگ دیندے ہوئے آکھیا کہ ساڈا صوبہ 70 فیصد گیس پیدا کردا ہے، پر شہر وچ گیس دی صورتحال سب دے سامنے ہے۔ پچھلے چار مہینیاں توں سوئی سدرن سانوں گیس فراہم نہیں کررہی۔ وفاقی حکومت نوں وارن کررہیا واں کے ایس ہفتے دے اخیر تیک گیس دی صورتحال بہتر نہ کیتی تے گیس لائن بند کردواں گے۔

جے گیس نہ ملی تے اساں سوئی سدرن گیس دے دفتر تے دھاوا بول داں گے۔ ایم کیو ایم کارکناں نے ایس مطالبے دی حمایت کیتی۔اوہ تے چاہندے نیں کہ سندھ سرکار مرکز نال لڑے تاں ایم کیو ایم دو پاسیوں مال کمائے۔ وزیراعلیٰ آکھیا کہ نوری آباد وچ 100 میگاواٹ بجلی گھر تیار ہے جس دی ٹیسٹنگ لئی سوئی سدرن کمپنی گیس نہیں دے رہی۔ 4 مہینیاں توں بجلی گھر نوں گیس فراہمی لئی ٹال مٹول کیتا جارہیا ہے۔بجلی گھر ٹرانسمیشن لائن کے الیکٹرک نال منسلک وی کردتی ہے۔سومیگاواٹ بجلی کے الیکٹرک نوں دینی ہے تے اپریل توں ایس نوں آن لائن کرنا سی۔ کے الیکٹرک بجلی منگ رہے نیں تے اسیں دے نہیں رہے۔ایس دا جوان سوئی سدرن ولوں دتا گیا ہے اتے انہاں دسیا مامہ تاں مارے رکیا ہے کیونجے سندھ سرکار اک ارب دی بینک گارنٹی نہیں دتی۔اساں تے سوبائی سرکار دا احترام کریندے ہاں تے ہر پدر تے تعاون لئی تیار ہاں۔جے بینک گارنٹی مل جائے تاں گیس وی مل جائے گی۔ایس موقع توں فیدے چک کے کجھ صوبائی وزیراں وی بیان بازی کیتی جس دی لوڑ نہیں سی۔