یااللہ خیر : موسم گرما کے حوالے سے پاکستانیوں کے لیے انتہائی تشویشناک خبر آگئی

تحریر: فضل حسین اعوان

| شائع مارچ 26, 2017 | 08:13 صبح

کراچی (ویب ڈیسک) محکمہ موسمیات نے خبردار کیا ہے کہ کراچی میں آئندہ ہفتے سے گرمی کی شدت میں مزید اضافہ ہوجائے گا۔ تفصیلات کے مطابق کراچی کا درجہ حرات 36ڈگری سینٹی گریڈ تک پہنچ گیا ہے، تاہم محکمہ موسمیات نے کہا ہے کہ اگلے ایک سے دو روز میں درجہ حرارت 38 ڈگری سینٹی گریڈ تک پہنچ جائے گا۔

محکمہ موسمیات کے چیف میٹرولوجسٹ ڈاکٹر غلام رسول کے مطابق رواں برس پورے ملک میں موسم گرما اپنے مقررہ وقت سے قبل آجائے گا

جس کے بعد درجہ حرارت میں غیر معمولی اضافے کا امکان ہے۔ماہرین نے اس کی وجہ موسمی تغیرات یعنی کلائمیٹ چینج اور اس کی وجہ سے عالمی درجہ حرارت میں ہونے والے اضافے یعنی گلوبل وارمنگ کو قرار دیا ہے۔ یاد رہے کہ کلائمٹ چینج کے نقصانات کا سامنا کرنے کے حوالے سے پاکستان پہلے 10 ممالک میں شامل ہے اور اس کا سب سے بدترین نقصان پورے ملک کے درجہ حرارت میں اضافہ ہے جو پانی کے ذخائر اور زراعت کو نقصان پہنچا رہا ہے۔درجہ حرات میں اس اضافے کو مدنظر رکھتے ہوئے محکمہ موسمیات کا یہ بھی کہنا ہے کہ درجہ حرارت میں اضافے کا یہ سلسلہ جاری رہے گا اور بہت جلد پاکستان سے بہار کا موسم ختم ہوجائے گا۔محکمہ موسمیات نے واضح کیا ہے کہ بہار کا موسم بہت مختصر اور نہ ہونے کے برابر ہوگا