جتھے ات گرد ٹھکانے اوتھے امریکہ: ٹلرسن کیہہ آکھ رہیا ہے تے اساں کیہہ کہہ رہے ہاں

لاہور(مانیٹرنگ رپورٹ)امریکہ نال پیار تے پاڑ دا رشتہ اج کل فیر وگڑیا ہویا ہے۔ٹلرسن آکھ رہیا ہے پئی جتھے ات گرد ٹھکانے ہون گے اوتھے امریکہ ڈرون مارن دا حق رکھدا ہے۔گل کولیشن سپورٹ فنڈ دی بحالیاں اتے امداد توں کتھے اگے ٹر گئی ہے۔ دنیا ساڈے توں پچھدی ہے پئی اسامہ نوں پاکستان کون لے کے آیا سی؟ تے جداں اساں ایبٹ آباد کمیشن رپورٹ نہیں جاری کردے تے فیر شک ہور ودھ جاندا ہے۔وائس آف امریکہ اج امریکی خارجہ وزیر دا بیان لایا ہے جس وچ آکھیا گیا ہے پئی پاکستان باز نہ آیا تے اساں کاروائیاں کراں گے۔ریکس ٹلرسن منگل نوں آکھیا سی پئی افغانستان دے مسلہ نوں حل کرن لئی بھارت تے پاکستان رل مل کم کرن۔ایہہ تجویز اوہ اجہے وقت دے رہے نیں جداں دوناں ملکاں وچ سانگے بہوں بھیڑے نیں۔اگلے ہفتہ نوں بھارت اک کانفرنس دی مجمانی کر رہیا ہے جیہڑی افغانستان وچ تجارتاں نوں ودھان لئی نئی دلی وچ ہو رہی ہے۔ کیہہ پاکستان تے ایہہ پریشر ہے کہاوہ ایس کانفرنس وچ جائے؟اک تگڑے وزیراعظم نوں ہٹا کے سٹیبلشمنٹ ہور پھس گئی ہے ۔