روتے چھوٹے نواب نے سوشل میڈیا پر سب کی توجہ اپنی طرف کھینچ لی

2017 ,ستمبر 1



ممبئی(مانیٹرنگ ڈیسک): بالی ووڈ کے چھوٹے نواب تیمورعلی خان کی اب تک ہنستی مسکراتی ہوئی تصاویرہی سامنے آئی ہیں تاہم پہلی بار انہوں نے روتے ہوئے بھی لوگوں کی توجہ کھینچ لی۔

بالی ووڈ کی نوابی جوڑی سیف علی خان اور کرینہ کپورکے بیٹے تیمورعلی خان اپنی پیدائش کے بعد سے ہی میڈیا کی توجہ مرکز بنے ہوئے ہیں۔

تیمور سنہری بالوں اور نیلی آنکھوں کے باعث کسی پٹھان سے کم نظر نہیں آتے ، تیمور کی اب تک جتنی بھی تصاویر منظر عام پر آئی ہیں ان میں وہ ہنستے مسکراتے ہی نظرآئے ہیں۔

اپنی پر کشش مسکراہٹ کے باعث ہی تیمور میڈیا سمیت تمام لوگوں کی توجہ مرکز بنے رہتے ہیں، سیف اور کرینہ نے بھی کبھی اپنے بیٹے کو میڈیا سے چھپانے کی کوشش نہیں کی۔

گزشتہ روز تیموراپنی والدہ کرینہ کپور خان کے ہمراہ ائیرپورٹ پر نظرآئے لیکن اس بار وہ ہنسنے کے بجائے رو رہے تھے، تاہم تیمور کا روتا ہوا یہ روپ بھی میڈیا پر مقبول ہوگیا، کرینہ تیمور کو گودمیں لیے مسلسل چپ کرانے کی کوشش کررہی تھیں لیکن وہ چپ ہونے کے موڈ میں نظر نہیں آرہا تھا، کرینہ اپنے بیٹے کے رونے سے بالکل بھی پریشان نظر نہیں آئیں۔

واضح رہے کہ کرینہ کپوران دنوں ریحا کپور کی فلم ’’ویرے دی ویڈنگ‘‘ کی شوٹنگ میں مصروف ہیں، گزشتہ کچھ دنوں سے میڈیا میں یہ افواہیں گردش کررہی تھیں کہ تیموراپنی والدہ کے ساتھ فلم’’ویرے دی ویڈنگ‘‘ میں مختصرکردار میں نظر آئیں گے لیکن کرینہ نے ان افواہوں کی تردید کرتے ہوئے کہا کہ یہ تمام باتیں بے بنیاد اور جھوٹی ہیں، تیمور صرف ان کے ساتھ شوٹنگ پر جاتا ہے فلم کا حصہ بننے کے لیے نہیں۔

متعلقہ خبریں