دونوں ہاتھوں سے بیک وقت تصاویر بنانے والے مصور
تحریر: فضل حسین اعوان
| شائع نومبر 13, 2016 | 19:33 شام
ٹوکیو (شفق ڈیسک) ٹوکیو کا یہ ذہین آرٹسٹ اپنے دونوں ہاتھوں سے درست ترین پورٹریٹس بنانے کی مہارت رکھتا ہے۔ دنیا میں بعض لوگ کچھ حیرت انگیز خدا داد صلاحیتوں کے مالک ہوتے ہیں جن میں سے ایک جاپان کا ایسا مصور بھی ہے جو دونوں ہاتھوں سے بیک وقت تصاویر بنا سکتا ہے جسے دیکھ کر لوگ خود حیرت کی تصویر بن جاتے ہیں۔ ایسے لوگ ایمبی ڈیکسٹرس کہلاتے ہیں جو بیک وقت دونوں ہاتھوں سے تحریر لکھنے یا تصویر بنانے کا کام کرسکتے ہیں۔ پوری دنیا کی آبادی کے صرف ایک فیصد افراد ہی اس صلاحیت پر قادر ہوتے ہیں اور انہیں بہت ذ
ہین تصور کیا جاتا ہے۔ کہتے ہیں کہ شہرہ آفاق مونا لیزا پورٹریٹ بنانے والا لیونارڈ ڈاونسی بھی اس پر مہارت رکھتا تھا جو خود ایک فطین مؤجد بھی تھا۔ اس کے علاوہ ایک اور مصور گور کیرین بھی اپنے دونوں ہاتھوں سے تصاویر بنانے کے ماہر تھے اور وہ اپنے پیر سے بھی پینٹنگ کرتے تھے۔ جاپانی مصور ٹورو بھی ایک پروفیشنل مصور ہیں اور کئی موضوعات اور طرز پر تصاویر بناتے ہیں۔
