امریکی سعودی اتحاد وچ مڑ تیزیاں: یمن وچ ایران پنگے لے رہیا ہے۔سعودی عرب

لاہور(مانیٹرنگ رپورٹ)سعودی اتحاد دے خارجہ وزیراں دا اکٹھ ہویا پر ہلے تیک اوس دا سانجھا بیان سامنے نہیں آیا پربی بی سی تے ہشیار خبر ضرور آئی ہے۔عرب میڈیا نوں وی کجھ پتہ نہیں پئی میٹنگ وچ کوئی سانجھا فیصلہ ہویا وی ہے یا نہیں۔پاکستانی خارجہ وزیر اکٹھ وچ گئے سن اتے ہورے انہاں نوں ایس اتحاد دے ٹی او آر مل سکے یا نہیں۔
کل اتوار نوں امریکی سعودی اتحاد دا اکٹھ وچ ٹرمپ پالیسی پاروں ایران خلاف گلاں ہوئیاں۔عالمی میڈیا وچ یمن دے حوالے نال تے سعودی عرب تے وی بہوں الزام نیں اتے ورلڈ ہیلتھ آرگنائزیشن دی رپورٹاں وادھو۔پربی بی سی ایس اتحاد دی خبر نری سعودی ردعمل نال ہی چھاپی ہے۔ ایسے مہینے جنیوا وچ اقوام متحدہ دے اکٹھ نے یمن وچ سعودی مداخلتاں اتے حوثیاں، دوناں خلاف بیان دتا سی اتے انسانی حقاں دی نندیا پاروں سعودی عرب نوں فضائی ھملے بند کرن دا آکھیا سی۔دوجے پاسے ایرانی خبرچی ادارے مہر نیوز ایہہ خبر دتی ہے کہ ایرانی بندگاہ چاہ بہار توں بھارت نے افغانستان لئی تجارتاں دے کم دا آغاز کر دتا ہے۔ایہہ سب خبراں خطے وچ وگاڑ دا بوتھا پئی ایس بارے پاکستان دی پارلیمنٹ پہلاں ہی ہک سٹینڈ لے چکی ہے جس وچ مسلم دنیا دے جھیڑیاں وچ حصہ دار نہ بنن دی گل رلتی سی۔سانجھے اعلامیے بارے کوئی خبر نہ آون دا مطلب ایہہ ہے پئی ہلے ایران مخالف ایجنڈے دی گل تے سب وچ سانجھ نہیں۔