واشنگٹن (شفق ڈیسک) امریکی صدارتی الیکشن ایک دم شفاف تھے جس کے بعد کامیابی ملی۔ نو منتخب امریکی صدر ڈونلڈ ٹرمپ کا کہنا ہے کہ میڈیا پیشہ ور مظاہرین کو بھڑکا رہا ہے جو انکے خلاف مظاہرے کررہے ہیں اور یہ انتہائی غیر منصفانہ ہے۔

نومنتخب امریکی صدر ڈونلڈ ٹرمپ صدارتی انتخابی مہم کے دوران بھی کئی مشکلات کا شکار

رہے کبھی متنازع ویڈیو کی وجہ سے تنقید کا سامنا رہا تو کبھی اپنی مخالف ہیلری سے مباحثے ہارنے کے بعد مقبولیت میں کمی کی وجہ سے پریشانی کا شکار رہے تاہم تمام پریشانیوں کے باوجود ڈونلڈ ٹرمپ صدر کے منصب پر فائز ہونے میں کامیاب ہو گئے لیکن پریشانیاں ٹرمپ کا پیچھا چھوڑنے کا نام نہیں لے رہی ہیں۔ امریکی صدارتی الیکشن کے نتائج کے بعد ٹرمپ کیخلاف خود امریکا میں مظاہرے پھوٹ پڑے، امریکی ریاستوں اوریگا، نیویارک، ٹیکساس، ٹینیسی میں ہزاروں افراد نے ڈونلڈ ٹرمپ کیخلاف شدید نعرے بازی کی۔ اپنے خلاف ہونیوالے مظاہروں پر ٹرمپ بھی خاموش نہ رہ سکے اور سماجی رابطے کی سائٹ پر اپنی ٹوئٹ میں میڈیا کو ان مظاہروں کا ذمہ دار قرار دے دیا۔