نویں امریکی پالیسی: ایران، روس تے چین مخالفتاں۔پاکستان فیصلہ کرے۔ٹرمپ

لاہور(مانیٹرنگ رپورٹ)صاف نظر آ رہیا ہے پئی امریکہ پاک افغان باڈراں دی تھاں پاک ایران باڈراں نوں گرم کرنا چاہندا ہے۔ٹرمپ دی تقریر وچ روس تے چین نوں للکاریا گیا اتے کوریا تے ایران لئی کھلا جنگی اعلان جداں کہ پاکستان لئی دھمکیاں۔چٹے امریکہ تے زور دیندی ایس تقریر دے ٹوٹے تساں پڑھو۔
اساں پاکستان نوں صاف دس دتا ہے کہ اساں دوستیاں تے چاہندے ہاں پر ایس لئی پاکستان نوں انہاں ات گرداں خلاف ہن فیصلہ کن جنگ لڑنا ہوئے گی جیہڑے پاکستانی سرزمین ورت رہے نیں۔اساں پاکستان نوں ہر سال ات گرداں نوں مکاون لئی بہوں وڈیاں رقماں دیندے ہاں۔
ساڈے امیر اتحادیاں عالمی دفاع دا سارا بھار امریکہ تے پا دتا جس نوں امریکی عوام دے ٹیکساں نال چکیا گیا۔
بہوں سارے امریکی صدراں نے بہوں بھیڑے فیصلے کیتے
دوجے ملکاں وچ امریکی کمپنیاں سرمایہ کاریاں کر رہی سن تے اپنے ملک وچ بے روزگاریاں ودھ رہیاں سن
ایران نال اساں اک کوڑڈیل کیتی
لکھاں پناہ گیراں نوں امریکہ وچ واڑ کے امریکی سیکورٹی نوں خطرے وچ پا دتا
کوڑ امیگریشن پالیسیاں پاروں غلط لوکاں نوں امریکہ وچ لیایا گیا اتے چٹی چمڑیاں والیاں نال زیادتیاں ہوئیاں
پر میں ایس سب دے خلاف امریکی عوام دے فیصلے پاروں آیا ہاں
جداں دا میں صدر بنیا ہاں سٹاک اتے جا رہیا ہے اتے بے روزگاریاں دا تناسب اج امریکہ وچ سب توں دھلڑی پدر تے ہے۔
میں ایران ڈیل دی منظوریاں نہیں ہون دواں گا۔ ات گردیاں نوں ڈکن لئی میں ایرانی جتھے بندی اسلامی انقلابی گارڈز تے پابندیاں لائیاں نیں
عراق تے شام وچ اساں دولت اسلامیہ نوں شکستاں دتیاں نیں
افغانستان وچ اساں ہن کوئی کوڑ ڈیڈ لین نہیں دینی۔
ہن نیٹو دے ملکاں نوں وی جیباں ڈھلیاں کرنیاں ہون گیاں۔امریکہ اکلے رقماں نہیں لائے گا
نویں نیشنل سیکورٹی پالیسی پاروں امریکہ دے نویں ٹیچے متھے گئے نیں
چین تے روس سانوں ڈکنا چاہندے نیں
امریکہ ایس نویں پالیسی پاروں ہن گیم وچ پوری طرح وڑ گیا ہے اتے اساں ہی جتاں گے
ہن اساں نویں اتحادی بناواں گے اتے ساڈے اتحادیاں نوں اوہی کجھ کرنا ہوئے گا جو اساں چاہندے ہاں