نیویارک (شفق ڈیسک) امریکی صدارتی انتخابات میں ڈونلڈ ٹرمپ کے ہاتھوں ہلیری کلنٹن کی شکست پر غم سے نڈھال خاتون کو اچانک ایسی خوشی مل گئی جس نے سارے غم دور کر دیئے۔ غیر ملکی میڈیا کیمطابق امریکی خاتون جو ڈیموکریٹک امیدوار ہلیری کلنٹن کی حامی اور بہت بڑی مداح تھیں لیکن جب انہوں نے دیکھا کہ ری پبلکن امیدوار ڈونلڈ ٹرمپ امریکا کے 45 ویں صدر منتخب ہوچکے ہیں تو وہ ڈپریشن کا شکار ہو گئیں۔ نیو یارک کی رہائشی مارگوٹ گرسٹر نے اپنی بیٹی کو ساتھ لیا اور اداسی کے خاتمے کیلئے چاپاقوا کے علاقے میں پہاڑوں میں ہا

ئیکنگ کیلئے نکل پڑیں اور وہاں پہنچ کر اس وقت انکی خوشی کا کوئی ٹھکانہ نہیں رہا جب ان کی پسندیدہ ہلیری بھی اپنے شوہر سابق صدر بل کلنٹن اور اپنے پالتو کتے کے ساتھ وہاں موجود تھیں۔ سب سے دلچسپ بات یہ کہ ہلیری بھی اپنا، غم مٹانے کیلئے ہی وہاں آئی تھیں۔ مارگوٹ نے ہلیری کلنٹن کیساتھ اپنی تصویر سماجی رابطے کی ویب سائٹ فیس بک پر شیئر کی اور اپنا تجربہ اور تاثرات بھی بیان کئے۔ انہوں نے لکھا کہ ہلیری نے مجھے گلے لگایا، ہم نے کچھ خوشگوار باتیں کیں اور پھر اپنے اپنے راستے پر چل دیئے اور سب سے دلچسپ بات یہ کہ مارگوٹ اور ہلیری کی یہ تصویر سابق امریکی صدر بل کلنٹن نے لی۔ واضح رہے کہ مارگوٹ کی جانب سے شیئر کی گئی ہلیری کی یہ تصویر انتخابات میں شکست کے بعد مبینہ طور پر انکی پہلی عوامی تصویر ہے جسکے بعد انہوں نے اپنے حامیوں سے خطاب کیا تھا۔ واضح رہے کہ 8 نومبر کو ہونیوالی پولنگ کے بعد ری پبلکن پارٹی کے رہنما ڈونلڈ ٹرمپ، ڈیمو کریٹک پارٹی کی ہلیری کلنٹن کو اپ سیٹ شکست دے کر 4 سال کیلئے امریکا کے 45 ویں صدر منتخب ہوئے۔