لاہور(مانیٹرنگ رپورٹ)پی ٹی آئی دے لیڈر نعیم الحق نرے 10 گھنٹے وی اپنے بیان تے کھلوتے نہ رہے اتے ہن اوس نوں ”ذاتی“ قرار دے چھڈیا۔ سویرے 10 بجے ٹوئیٹ وچ اوہ اٹھ و اٹھ مار دے نظر آئے۔ اینج جاپدا ہے پئی پی ٹی آئی خلاف جس عالمی سازش دی کہانی انہاں راتی جیو تے سنائی سی اوس دا پارٹی نوں وی پتہ نہیں؟ یا فیر پریشر پین تے یوٹرن لے لتا گیا ہے۔ پی ٹی آئی نوں الزام لاون دی عادت ہے کہ الزام لاکے اوہ دوجیاں نوں وضاحتاں کرن دا آکھدے نیں۔ آج ٹوئیٹ وچ وی نعیم الحق ایہو آکھیا ہے کہ میں تے جنرل کیانی نوں نرا وضاحتی بیان دین دا آکھیا سی۔ انہاں آکھیا پئی جنرل کیانی تے الزام میں نہیں سگوں اک سینئر صحافی (ہورے نذیر ناجی) لائے سن۔ پر سوال ایہہ ہے راتی خانزادے دے پروگرام وچ ناجی تے نہیں آیا سی۔ جداں نعیم الحق کولوں عالمی سازش بارے ثبوت منگے سن تے انہاں آکھیا سی ثبوت تسی کیانی تو منگو۔ ایہہ پی ٹی آئی دی فرسٹریشن دے زندہ ثبوت وی نیں اتے الزامی سیاست دا انجام وی۔