ہاں میں ڈالر لیتا ہوں۔ دل دہلا دینے والی حقیقت

2017 ,اپریل 12




آپ ٹھیک کہتے ہو ہم ڈالر کے لئے لڑتے ہیں ...
کیپٹن بلال ظفر جوانی میں شہید ہوتا ہے ، شہادت سے ایک روز قبل اپنے دوست کیپٹن راحیل سے کہتا ہے دیکھنا تم غازی ہوگے اور میں شہید ہوں گا ،
آپ ٹھیک کہتے ہو ہم ڈالر کے لئے لڑتے ہیں..!
سیکنڈ لیفٹیننٹ اسد اظفر وزیرستان میں سینے پر گولی کھاتا ہے ، محاذ پر جانے سے پہلے ماں سے کہتا ہے " میری شادی کی باتیں نہ کیا کرو میں نے ویسے بھی شہید ہوجانا ہے ".
آپ ٹھیک کہتے ہو ہم ڈالر کے لئے لڑتے ہیں ..!
میجر جنرل ثنا الله نیازی گرم محاذ پر خود آگے جاتا ہے . اور ریموٹ بم حملے میں شہید ہوجاتا ہے .
آپ ٹھیک کہتے ہو ہم ڈالر کے لئے لڑتے ہیں ..!
کیپٹن علی نواز اپنی ماں کو اپنی پسند کا بتاتا ہے کہ میں اپنی کزن سے شادی کرنا چاہتا ہوں ، کزن بھی پیار کرتی ہے خاندان میں شادی کی تیاری چل رہی ہوتی ہے تین دن بعد علی نے آنا ہوتا ہے پر جس دن مہندی ہوتی ہے اس دن علی وزیرستان میں شہید ہوجاتا ہے .
آپ ٹھیک کہتے ہو ہم ڈالر کے لئے لڑتے ہیں ...!
ایس پی امتیاز سرور کا اکلوتا بیٹا کپتان سلمان سرور ، باڑہ خیبر ایجنسی میں شہید ہوتا ہے ، ماں باپ کا اکلوتا لخت جگر .. بوڑھے باپ نے جوان بیٹے کا جنازہ اٹھایا
آپ ٹھیک کہتے ہو ہم ڈالر کے لئے لڑتے ہیں ..!
سپاہی رضوان احمد بلوچستان میں شہید ہوئے ، جس دن جسد خاکی گھر آیا ایک اس دن ان کے گھر ماتم ہوا اور پھر جب تین ماہ بعد اسکے پہلے بیٹے کی پیدائش ہوئی تو پہلے سے زیادہ ماتم برپا ہوا
آپ ٹھیک کہتے ہو ہم ڈالر کے لئے لڑتے ہیں ...!
لیفٹیننٹ سلیم انجم مقام شہادت سوات .. اسکی ماں آج بھی اسکا انتظار کر رہی ہے .
ٹھیک کہتے ہو ڈالر کے لئے ہی تو لڑتے ہیں ...!
آئی ایس آئی ... جاتے ہیں کچھ سروس کرتے ہیں کچھ دوران سروس کسی اور کام میں سلیکٹ ہوجائیں تو گھر والوں کو خبر ملتی جوان بیٹا اب نہیں رہا . لاش بھی نہیں ملی اور پھر وہ شخص ماں باپ کے ہوتے ہوئے بھی دنیا سے گمنام ہوا پھرتا ہے ، کہیں موت آجاۓ تو لاوارث لاشوں میں کبھی دفنا دیا جاتا ہے اور کبھی جلا دیا جاتا ہے کبھی اسکی لاش لیبارٹری ٹیسٹ کے لئے کوئی رکھ لیتا ہے ، دل آنکھیں گردے نکال لئے جاتے ہیں .
پر کوئی بات نہیں یہ سب ڈالر کے لئے ہی تو کرتے ہیں .
آپ لوگ بلکل ٹھیک کہتے ہو یہ سب کچھ ڈالر کے لئے ہی تو کرتے ہیں ...
کتنے نام گنواؤں؟ سپاہی غلام مرتضیٰ ، کیپٹن نجم ریاض ، کیپٹن راشد حکیم ، سپاہی الله ڈنو ، میجر عابد مجید ، سپاہی محمد اخلاق .....
گیاری سیکٹر کی لہو کو جما دینے والی سردی ہو یا تھر کے ریگستان ، وزیرستان کے پہاڑ ہوں ، سیالکوٹ کی فائرنگ رینج ہو یا سیلاب کی تباہی کے بعد سب سے پہلے عوام کی مدد کو پہنچنا ہو ، زلزلہ ہو یا تھر کا قحط ... یہ ہر جگہ ڈالر کے لئے ہی تو جاتے ہیں . گیاری کی ٹنوں برف تلے دب کر شہادت ڈالر کے لئے ہی تو تھی . صوابی کا کیپٹن کرنل شیر خان ڈالر کے لئے ہی تو ہندوستانی آرمی میں گھس کر انکے سپاہیوں کو پاکستانی زمین پر قدم رکھنے سے روکتا ہے
پتہ نہیں ہم کیوں بھول جاتے ہیں کہ ہمارے بھی گھر والے ہیں ماں باپ کہ ہم بھی لختءجگر ہیں بابا بابا کہنے والی توتلی زبان لاڈ کرنے والی پیاری بہن فخر کرنے والا بھائی اور تویل انتظار کی بےرحم چکیاں پیسنے والی وفاشعار بیوی بھی ہماری زندگی میں شامل ھیں آخر ہم کیوں یہ سب بھول کر صرف ان لوگوں کی خاطر اپنی زندگی کی بازی لگا دیتے ہیں جن سے ہمارا رشتہ صرف اور صرف ایک قوم اور ملت کا ہے
کئی بار یہ تحریر لکھتے ہوئے آنکھیں آنسوؤں سے بھر گئی بہت بار سوچا کہ اپلوڈ نا کروں مگر مجھ پہ ان شہداء کا قرض بھی باقی ہے جو مجھ سے پہلے دفاعءوطن کہ لیے جان دے کر سرخرو ہو گئے ہماری سوچ کا محور کل بھی پاکستان تھا اور آج بھی ہے اور آخری سانس تک رہے گا ہمیں اس کوئی سروکار نہیں کہ کوئی ہمیں ڈالر کہ تعنہ دے یا کچھ اور کہے کیوں کہ
خونءدل دے کہ نکھاریں گے رخءبرگءگلاب
ہم نے گلشن کہ تحفظ کی قسم کھائی ہے

نوٹ:اگر آپ بھی اپنا کوئی کالم،فیچر یا افسانہ ہماری ویب سائٹ پر چلوانا چاہتے ہیں تو اس ای ڈی پر میل کریں۔ای میل آئی ڈی ہے۔۔۔۔

bintehawa727@gmail.com

ہم آپ کے تعاون کے شکر گزار ہوں گے۔

متعلقہ خبریں