چلو پترو، ہن گرمیاں بھگتو؛ موسم گرم رہ سی۔ محکمہ موسمیات

لاہور (مانیٹرنگ رپورٹ)محکمہ موسمیات نے پیشن گوئی کیتی ہے کہ 24 گھنٹیاں دے دوران ملک دے بیشترعلاقیاں وچ موسم خشک تے گرم رہے گاجد اں کہ آتلے سندھ تے جنوبی پنجاب وچ موسم شدید گرم رہے گا۔ مالا کنڈ، ہزارہ، پشور، کوہاٹ، بنوں، راولپنڈی، سرگودھا، گوجرانوالہ، مکران ڑوب ڈویڑن ،اسلام آباد، فاٹا، گلگت بلتستان تے کشمیر وچ چند مقامات تے تیز ہواواں تے گرج چمک دے نال بارش دا امکان ہے۔ محکمے دے بلارے حارث بن نسیم دے مطابق اگلے 2 دن دے دوران ملک دے بیشتر علاقیاں وچ موسم گرم تے خشک۔ ایس توں اڈ کوئٹہ، ڑوب، مکران، بنوں، سرگودھا ڈویڑن وچ کجھ تھاواں تے تیز ہواواں تے گرج چمک دے نال بارش دی امید ہے۔ انہاں نے دسیا کہ پچھلے دن ریکارڈ کیتے گئے گرم ترین مقامات دے درجہ حرارت دے مطابق دادو تے سبی وچ 47، لاڑکانہ، شہید بینظیر آباد 46، موہنجوداڑو، رحیم یار خان پڈعیدن، جیکب آباد، روہڑی 45 ڈگری جد کہ اج لہور وچ گھٹ توں گھٹ 24، کراچی 28، پشور 20، کوئٹہ 10، گلگت 13 تے چترال وچ 12 ڈگری سینٹی گریڈ تک رہن دی توقع ہے۔لہور وچ اج حرارتی درجہ42سی۔