خواتین کے ساتھ زیادتی کے بڑھتے واقعات: پولیس نے روک تھام کے لیے انوکھا منصوبہ تیار کر لیا

تحریر: فضل حسین اعوان

| شائع دسمبر 23, 2016 | 06:18 صبح

کولون (ویب ڈیسک) یورپی ملک آسٹریا میں پولیس چھ ہزار خواتین کو پاکٹ الارم فراہم کرے گی تاکہ اس سال کی آخری شب کی گہما گہمی کے دوران وہ کسی ناخوش گوار واقعے سے بچ سکیں۔

جرمن نیوز ایجنسی ڈی پی اے کے مطابق آسٹریا کی پولیس یہ اقدام گزشتہ برس جرمنی کے شہر کولون میں ہونے والے کئی سو جنسی حملوں جیسے کسی واقعے سے بچنے کی خاطر اٹھا رہی ہے۔ گزشتہ برس کولون میں نئے سال کی شب کے موقع پر کئی سو خواتین کو جنسی حملوں کا نشانہ بنایا گیا تھا۔

dir="RTL">یہ ایسے آلات ہیں، جن سے ایک تیز چبھتی ہوئی آواز نکلتی ہے۔ یہ آلات خواتین کو آسٹریا کے دارالحکومت ویانا میں دیے جائیں گے، جہاں توقع ہے کہ کئی ہزار افراد سال کی آخری شب کو سٹرکوں اور بازاروں میں نئے سال کا جشن منائیں گے۔ واضح رہے کہ گزشتہ برس ویانا میں پولیس کو اس طرح کے کسی حملے کے بارے میں کوئی رپورٹ موصول نہیں ہوئی تھی۔

 

جرمنی کے شہر کولون میں پولیس کو بارہ سو شکایات موصول ہوئی تھیں۔ پولیس کے مطابق پانچ سو کے قریب شمالی افریقی اور عرب نژاد نوجوانوں نے خواتین کو جنسی حملوں کا نشانہ بنایا تھا۔