پہلی واری میری تے دوجی واری تیری : تو پھر بے فکر رہو، مفاہمتوں کے بادشاہ نے عام اعلان کر دیا
تحریر: فضل حسین اعوان
| شائع دسمبر 26, 2016 | 05:23 صبح
کراچی (ویب ڈیسک) پاکستان پیپلزپارٹی کے شریک چیئرمین آصف علی زرداری نے بلاول ہاؤس میں پارٹی رہنمائوں سے ملکی سیاسی صورت حال، پیپلزپارٹی کے مطالبات، حکومت سے ممکنہ مذاکرات، اپوزیشن کے گرینڈ الائنس کی تشکیل اور حکومت مخالف تحریک کے حوالے سے مشاورت کا سلسلہ جاری رکھا۔ اس حوالے سے مشاورتی اجلاس ہوا جس کی صدارت پارٹی کے چیئرمین بلاول بھٹو زرداری اور آصف علی زرداری نے کی۔
تفصیلات کے مطابق اس اجلاس میں طے کیا گیا پیپلزپارٹی 27دسمبر کو بینظیربھٹو
کی برسی کے موقع پر گڑھی خدا بخش میں بھرپور عوامی طاقت کا مظاہرہ کرے گی۔ پارٹی قیادت نے تمام رہنمائوں کو ٹاسک دیا وہ جلسے میں کارکنوں اور عوام کی زیادہ سے زیادہ شرکت کیلئے بھرپور رابطے اور انتظامات کریں۔ ذرائع کا کہنا ہے سابق صدر نے پارٹی رہنمائوں سے غیر رسمی گفتگو کرتے ہوئے کہا وہ حالات سے گھبرانے والے نہیں۔ پیپلزپارٹی کسی انتقامی کارروائیوں سے نہیں ڈرتی‘ عوام ہماری طاقت ہے۔ پیپلزپارٹی کوئی ایسا احتجاج نہیں کرے گی جس سے جمہوری نظام کو خطرہ لاحق ہو۔ پارٹی مطالبات کے حل کے لئے پارلیمانی اور عوامی احتجاج جمہوری انداز میں ہوگا۔ اجلاس میں طے کیا گیا کہ حکومت سے ممکنہ مذاکرات اور احتجاج کی پالیسی پارٹی کی سنٹرل ایگزیکٹو کمیٹی طے کرے گی اور پیپلزپارٹی اپنے آئندہ کے لائحہ عمل کا اعلان 27دسمبر کو کرے گی۔
