فیس بک دوستی؛ نوشہرہ ورکاں کے راؤ احسن اورگونگی 35 سالہ روز میری کی شادی

2016 ,نومبر 8



نوشہرہ ورکاں(مانیٹرنگ ڈیسک): دل میں محبت ہو تو دُنیاوی فاصلے راستے کی رکاوٹ نہیں بنتے،قوتِ گویائی سے محروم پاکستانی لڑکے اور امریکی لڑکی نے انٹرنیٹ پردوستی کونکاح کرکے عمر بھر کے ساتھ میں بدل دیا۔نوشہرہ ورکاں کے محلہ اسلام پورہ کے قوتِ گویائی سے محروم نوجوان راؤ احسن اشفاق کا زمیندار گھرانے سے ہے، اس کی انٹر نیٹ پر ایک امریکی دوشیزہ روز میری سے دوستی ہوگئی۔ کچھ ہی عرصے میں یہ دوستی محبت میں تبدیل ہوگئی، دونوں نے ایک دوسرے کو جیون ساتھی بنانے کا فیصلہ کرلیا۔روز میری  وعدے کے مطابق ہزاروں کلو میٹر کے فاصلے کو روندتی ہوئی پاکستان پہنچی، لاہور میں دونوں رشتہ ازدواج س منسلک ہوئے اور پھر ان حسین لمحات کو یادگار بنانے کے لیے شمالی علاقاجات روانہ ہوگئے۔احسن اشفاق کے گھر والوں کا کہنا ہے کہ روز میری فی الحال پاکستان میں مختصر قیام کے بعد دوبارہ امریکا روانہ ہوجائے گی لیکن جلد ہی دونوں ایک ساتھ زندگی گزاریں گے۔

متعلقہ خبریں