قوم کے مایہ ناز سپوت شہید اعتزاز حسن کی آج تیسری برسی
تحریر: فضل حسین اعوان
| شائع جنوری 06, 2017 | 12:06 شام
ہنگو۔(مانیٹرنگ)آج 6 جنوری کو16 سالہ لڑکے شہید اعتزاز حسن کی تیسری برسی منائی جارہی ہے۔اعتزاز حسن جو کہ6 جنوری2014 ءکو خیبر پختونخوا کے ضلع ہنگو میں ایک سکول میں خودکش حملہ آور کو سکول میں داخل ہونے سے روکتے وقت شہیدہوگیا تھا۔ہنگو سے تعلق رکھنے والے 16 سال کے اعتزاز حسن شہید نے بہادری کا مظاہرہ کرتے ہوئے سکول میں موجودبچوں کو دہشتگردی کا نشانہ بننے سے بچایا اور اسی اثناءمیں اپنی جان قربان کرکے اپنا نام سنہری الفاظ میں ہمیشہ کیلئے درج کروالیا۔ اعتزاز حسن کو قومی ہیرو کا درجہ دیا گیا اور بہادری
کا کمال مظاہرہ کرنے پر ستارہ جرات دیا گیا۔ حال ہی میں اعتزاز شہید کو خراج تحسین پیش کرنے کیلئے ایک فلم بھی بنائی گئی ہے جس کا نام سلیوٹ رکھا گیا ہے۔
